ب د ت مۇسۇلدا 10000مىڭغا يېقىن كىشىنىڭ ئۆي-ماكانسىز قالغانلىقىنى ئۇقتۇردى

تۈركىيە ئاۋازى رادىيوسى خەۋىرى: بىرلەشكەن دۆلەتلەر تەشكىلاتى مۇساپىرلار ئالىي كومىسسارلىقى ئىراقنىڭ مۇسۇل شەھىرىنىڭ تېررورلۇق تەشكىلاتى دائېشتىن تازىلىنىشى ئۈچۈن 17-ئۆكتەبىردە باشلىغان ھەربىي ھەرىكەتلەر جەريانىدا، 96864 كىشىنىڭ ئۆي-ماكانلىرىدىن ئايرىلىپ قالغانلىقىنى ئۇقتۇردى.

بۇ ئورگاننىڭ باياناتچىسى ئادرىيان ئېدۋاردىس مۇسۇلدا ئۆي-ماكانلىرىدىن ئايرىلغان قالغان كىشىلەر ئىچىدە 57 مىڭ كىشىنىڭ ب د ت مۇساپىرلار ئالىي كومىسسارلىقىغا تەۋە مۇساپىرلار لاگېرىدا ياشاۋاتقانلىقىنى ئېيتتى.

ب د ت مۇساپىرلار ئالىي كومىسسارلىقىغا تەۋە 6 مۇساپىرلار لاگېرىدا مۇساپىرلارنىڭ ياشاۋاتقانلىقىنى ۋە يەنە 3 مۇساپىرلار لاگېرىنىڭ ياسىلىۋاتقانلىقىنى ئېيقان ئېدۋاردىس، 9 لاگېردا 102مىڭ مۇساپىرنىڭ قالالايدىغانلىقلىرىنى بىلدۈردى.

ئادرىيان ئېدۋاردىس ب د ت مۇساپىرلار ئالىي كومىسسارلىقىنىڭ مۇسۇل ئۈچۈن ئاجراتقان 196 مىليارد 200مىڭ ياۋرونىڭ ئاران %57نىڭ مۇساپىرلارغا ئىشلىتىلگەنلىكىنى بىلدۈردى.

مۇسۇلدا ئۆي-ماكانلىرىدىن ئايرىلىپ قالغان كىشىلەرنىڭ ئېھتىياجلىرىنىڭ قامدىلىشى ئۈچۈن بەزى دۆلەتلەرنى ياردەم قىلىشقا چاقىرغان ئېدۋاردىس، لاگېرىدىكى مۇساپىرلارغا ئەدىيال ۋە يوتقان-كۆپىلەرنىڭ تارقىتىپ بېرىلىۋاتقانلىقىنى ئېيتتى.

ئىراقنىڭ ئىككىنچى چوڭ شەھىرى ھېسابلىنىدىغان مۇسۇلنىڭ تېررورلۇق تەشكىلاتى دائېشتىن تازىلىنىشى ئۈچۈن، ئىراق ئارمىيەسى قىسىملىرى، پەشمەرگە كۈچلىرى ۋە باشىكا لاگېرىدا تۈرك ئەسكەرلىرىدىن ھەربىي تەلىم-تەربىيە ئالغان نىنوۋا مۇجاھىتلىرى، 17-ئۆكتەبىردە ھەربىي ھەرىكەت قوزغىغانىدى.