түркийәниң тәнқид қилиши тоғра
германийә иқтисадий һәмкарлиқ вә тәрәққийат министири герд мүллер йавропа иттипақиниң түркийәдики көчмәнләр үчүн аҗратқан йардәмни үзүп қойғанлиқини тәнқид қилди.
түркийә авази радийоси хәвири: германийә иқтисадий һәмкарлиқ вә тәрәққийат министири мүллер «авгусбургер алгемайни гезити» ниң зийаритини қобул қилғанда йавропа иттипақини тәнқид қилди. у көчмәнләр үчүн вәдә берилгән маддий йардәмләрниң бүгүнгичә наһайити аз бир қисминиң әвәтилгәнликигә ишарә қилип, түркийәниң бу тоғридики тәнқидлириниң тоғра икәнликини әскәртти. у йавропа иттипақини тәнқид қилип: «йардәмләрни кишиләргә йәткүзүш ишлириниң бир йилға созулуп кәткәнликини тоғра дегили болмайду» деди.
у вәдә берилгән 3 милйард йавродин пәқәт 800 милйон йаврониң әвәтилгәнликини билдүрүп: «бу нуқтида, бизниң йавропа иттипақимизда бир мәсилә бар. мән бу сәвәбтин, йавропа иттипақи йардәмлириниң түркийә-германийә һәмкарлиқи даирисидә германийә тәрипидин иҗра қилинишини бирйусселға тәклип қилдим» деди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.