lawrowning bayanatining eksiche heleb shehiri qattiq bombardiman qilinmaqta
rusiye tashqi ishlar ministiri sérgéy lawrow tünügün hamburgda bayanat élan qilip, xelqning yötkiliwélishi üchün esed qisimlirining herbiy heriketlirini toxtatqanliqini jakarlighan idi.
türkiye awazi radiyosi xewiri: rusiye, helebte bashshar esed qisimliri élip bériwatqan hujumlarning toxtaydighanliqini we minglighan puqralarning yötkilidighanliqini élan qilghan bolushigha qarimay, esed eskerliri xelqni bombardiman qilishni dawamlashturmaqta.
tünügün axshamdin buyan rayondin puqralarni yötkesh xizmetliri pütünley toxtidi.
rusiye tashqi ishlar ministiri sérgéy lawrow tünügün hamburgda amérika tashqi ishlar ministiri jon kérriy bilen ötküzgen uchrishishidin kéyin yerlik waqit 20:30 ötkende bayanat élan qilip, xelqning yötkiliwélishi üchün esed qisimlirining herbiy heriketlirini toxtatqanliqini jakarlighan idi.
arqidinla rusiye dölet mudapie ministirliqi yéngi bir bayanat élan qilip, 2900 kichik balini öz ichige 8500 puqraning yötkelgenlikini, xéli nurghun sandiki qoralliqlarning qorallirini tashlap teslim bolghanliqini we esed teripidin epu qilinghanliqini ilgiri sürgen idi.
biraq helebte turushluq anadolu agéntliqi muxbiri, sérgéy lawrowning bayanatidin kéyin qisqighine muddet toxtighan bombardimanning tüngün saet 23:00 etrapida qaytidin bashlanghanliqini, hetta firdews we sheyx seid mehellilirige tik uchar ayropilanlar bilen déngiz minalirini tashlighanliqini bildürdi.
tang atqiche dawamlashqan bombardimanchiliqning bir qanche saet toxtighandin kéyin yene qayta bashlanghanliqi qeyt qilindi.
esed armiyesi we shie militanlar halén, zibdiye, seyx seid, yüsüf, seyfel dewle, jub shelebi, firdews, bostan el qesir, sükkeri we maadi rayonlirini hem qurughluqtin, hem hawadin bombardiman qilishni dawamlashturmaqta.
yene bir tereptin esed qisimiliri alqinigha kirgüzüwalghan mehellilerde qélip qalghan yaki chéqip kételmigen nurghun sanda puqralarni oxshash bolmighan rayonlargha yötkesh bashlanghanliqi ilgiri sürülmekte.
esed axbaratliri bolsa, eskerlerning kontirolluqigha ötken rayonlardiki xelqning öyliridin chiqiriliwatqan körünüshlirini «puqralar yötkelmekte» dep tarqatmaqta.
sherqiy helebte qozghilangchilarning kontirolluqidiki 15 kélométirliq jayda 200 mingdin artuq puqra saqlanmaqta.
مۇناسىۋەتلىك خەۋەرلەر
tramp kim jongun bilen alaqilishidighanliqini bildürdi
amérika pirézidénti tramp shimaliy koriye rehbiri kim jong un bilen alaqilishidighanliqini bildürdi.
