lawrow esedning «puqralar»üchün urushni waqitliq toxtitip qoyghanliqini bildürdi

türkiye awazi radiyosi xewiri: rusiye tashqi ishlar ministiri sérgéy lawrow, esed hakimiyitining helebtiki herbiy heriketlirini puqralarni tarqaqlashturush xizmitige asanliq tughdurup bérish meqsitide waqitliq toxtitp qoyulghanliqini uqturdi.

lawrow gérmaniyening hamburg shehirid ötküzülgen yawropa xewpsizlik we hemkarliq teshkilati 23-nöwetlik balqanlar kéngishi yighinida muxbirlarning soallirigha jawab berdi.

sérgéy lawrow helebning sherqidiki herbiy heriketlerning toxtitip qoyulghanliqini bildürüp mundaq dédi: «chünki helebning sherqidin ketmekchi bolghan puqralarni tarqaqlashturush üchün keng dairide teyyarliq qilindi, hazirghiche bundaq keng kölemlik teyyarliq qilinip baqmidi. bu ishta texminen 8000 kishi wezipe öteydu. »

lawrow gherb döletlirining helebtiki téragidiyeni hel qilish üchün konkrét qedem tashlimighanliqlirini ilgiri sürdi.

sérgéy lawrow rusiyening birleshken döletler teshkilati xewpsizlik kéngishining qarari dairiside süriyediki térrorchilargha adaqqiche zerbe béridighanliqlirini alahide eskertti.  

u rusiye we amérikiliq herbiy mutexesislerning shenbe küni jenwede yighin chaqirish üchün kélishkenliklirini, yighinda helebning nöwettiki weziyiti üstide kéngesh ötküzidighanliqlirini bildürdi.