б д т да сүрийә мәсилиси музакирә қилиниду

канада башчилиқ қилған вә арисида түркийәму бар болған 70 тин артуқ дөләт, һәләб пуқралирини қоғдаш мәсилисини музакирә қилиш үчүн бүгүн (9-декабир) көрүшиду.

626708
б д т да сүрийә мәсилиси музакирә қилиниду

түркийә авази радийоси хәвири: бүгүн б д т (бирләшкән дөләтләр тәшкилати) омумий кеңишидә сүрийә мәсилиси музакирә қилиниду. йиғинида, сүрийәдә уруш тохтитишниң капаләткә игә қилиниши вә инсанпәрвәрлик йардәмләрниң йәткүзүлүши һәққидики қарар лайиһәси авазға қойулиду.

б д т омумий кеңишидә елинған қарарлар мәҗбурлаш күчигә игә әмәс, бирақ хәлқара җамаәтчиликиниң позитсийәсини намайан қилиши нуқтисидин муһим әһмийәткә игә.

сүрийәниң нөвәттики вәзийити б д т хәвпсизлик кеңишидә музакирә қилинди. б д т сүрийә алаһидә вәкили стифан демистура 10-декабир америка билән русийәниң җәнвәдә һәләбниң шәрқидики барлиқ қораллиқ гуруппиларниң чекинишини музакирә қилидиғанлиқини билдүрди.

демистура сүрийәдики киризисни һәл қилиш үчүн тинчлиқ сөһбәтлириниң қайта башлинишини тәклип қилди. у: «бәлким, һазир тинчлиқ сөһбәтлирини қайта башлашниң дәл вақти. һәрбий җәһәттин ғәлибә қилиш тинчлиқ мәнисигә игә әмәс, тинчлиқ айрим ғәлибә қилиши керәк» деди.

у һәләбниң шәрқидә өктичиләрниң контроллуқидики җайлардин һазирғичә 30 миңдин артуқ адәмниң айрилғанлиқини әскәртип, русийәниң һәләбтики барлиқ һәрбий һәрикәтләрни тохтитиши билән, қоршав астидики райондин йәнә 8 миңдин артуқ адәмниң айрилиш мумкинликини қәйт қилди. у «алдимиздики күнләрдә һәләбтә йүз бәргән вәқәләрниң идлибтә йүз бәрмәсликигә капаләтлик қилаламсиз?» дегән соалға: «йақ, капаләтлик қилалмаймән» дәп җаваб бәрди.

демистура 8-нойабир өткүзүлгән сайламда пирезидентлиққа сайланған доналд трампниң ички кабенти билән, нийу йорк вә вашингтонда көрүшүшни пилан қиливатқанлиқини сөзлиригә илавә қилди.



مۇناسىۋەتلىك خەۋەرلەر