gérmaniye médiyasi türk muxbirlargha töhmet chaplidi
izchil türde metbuat we pikir erkinlikining ehmiyitini tekitlep kéliwatqan gérmaniyede türk metbuat mensupliri jasusluq qilish bilen eyiblendi.
612640
türkiye awazi radiyosi xewiri: PKK térrorluq teshkilatining suriye qaniti p y d ning kattibéshi salih muslimning gérmaniye fédératsiye mejliside sol partiye parlamént ezaliri bilen uchrishishini parlamént ichide süretke tartiwalghan anadolu agéntliqining gérmaniye wekili, gérmaniye metbuati teripidin jasusluq bilen eyiblendi.
gérmaniye bild géziti, türk zhurnalistlarni gérman siyasetchilerni jasusqa oxshash küzitiwatqanliqini yazdi. türk metbuat mensuplirining jasusluq bilen eyiblinishi bérlindiki türk zhurnalistlarni heriketke keltürdi؛ türk zhurnalistlar, naheq eyibleshlerge qarshi hemkarliq rohini namayan qilish üchün anadolu agéntliqining bérlindiki ishxanisigha kélip, gérmaniye metbuatining pozitsiyesini eyiblidi.
