гиретсийә путбол мәстанилириниң ирқчи қилмиши сәвәбидин боснийә гертсеговинадин кәчүрүм сориди

гиретсийә путбол федиратсийәси гиретсийәлик путбол мәстанилириниң ирқчи қилмиши сәвәбидин боснийә гертсеговина хәлқидин кәчүрүм сорашқа мәҗбур болди.

610708
гиретсийә путбол мәстанилириниң ирқчи қилмиши сәвәбидин боснийә гертсеговинадин кәчүрүм  сориди

түркийә авази радийоси хәвири: гиретсийә путбол федиратсийәси боснийә гертсеговина – гиретсийә путбол мусабиқисидә, сирп путбол мәстанилириниң бошнақларни һақарәтләп «пичақ, сим тосақ вә сиребренитса»дегән хәтләр йезилған лозункиларни көтүрүвелиши сәвәбидин боснийә - гертсеговина хәлқидин кәчүрүм сориди.

гиретсийә путбол федиратсийәси бу һәқтә байанат елан қилип, пайтәхт афенада ойналған мусабиқидә бир түркүм гиретсийәлик путбол мәстанилириниң бошнақларни һақарәтләп лозунка көтүрүвелишини қаттиқ әйибләп, бу қилмшиниң ирқчи қилмиш икәнликини билдүрди.

 гиретсийәлик путбол мәстанилириниң бу қилмиши сәвәбидин кәчүрүп сорайдиған тәрәпниң өзлири икәнликини билдүргән гиртсийә путбол федиратсийәси, бу лозункиларниң тәнтәрбийәниң роһиға вә гиретсийәниң меһмандостлиқиға һақарәт икәнликини алаһидә әскәртти.

буниңдин ташқири, хәлқара путбол бирләшмисиниң бу вәқә тоғрулуқ мәлумат йиғип тәкшүрүш елип бериватқанлиқи билдүрүлди.

гиретсийә билән боснийә гертсеговина дөләтлик путбол командилири 2018 дунйа путбол лоңқиси йавропа шаллаш мусабиқилири H гурупписниң төтинчи һәптилик мусабиқисидә пайтәхт афенада мусабиқигә чүшти.

ахирқи минутларғичә 0гә қарши 1 нәтиҗә билән үстүнлүктә туруп кәлгән боснийә гертсеговина  дөләтлик путбол командиси, қошумчә берилгән вақитта гиретсийә дөләтлик путбол командисидин гиоргойис тизавелласниң атқан топи билән мусабиқидә тәңлишип қалди,мусабиқә баштин-ахирғичә  икки тәрәп оттурисидики җедәлгә сәһнә болди.  

гиретсийәлик путбол мәстанилири мусабиқиниң бешидила боснийә гертсеговина дөләт маршиға исқиртип мәсхирә қилди, иккинчи мәйдан мусабиқидә болса боснийә гертсеговина  командисиниң вартасиниң кәйнидә турувалған гиретсийәлик путбол мәстанилири 1995-йили сиребренитсада йүз бәргән ирқий қирғинчилиқ қилмишидә сирплар товлиған «пичақ, сим тосақ, сиребренитса»шоарлири йезилған лозункиларни ечип кәйпийатни техиму кәскинләштүрүвәтти.

боснийә гертсеговинаниң шәрқигә җайлашқан сиребренитсада 1995-йили ийул ейида йүз бәргән ирқий қирғинчлиқта әң аз 8000 лик боснийә гертсеговина әр сирплар тәрипидин қәтли қилинғаниди.



مۇناسىۋەتلىك خەۋەرلەر