iran helebte bashqurulidighan bomba zawuti qurghanliqini étirap qildi

iran armiyesi bash ishtabining bashliqi général muhemmed hüseyin baqiri téhranning helebte bashqurulidighan bomba zawuti qurghanliqini étirap qildi.

608678
iran helebte bashqurulidighan bomba zawuti qurghanliqini étirap qildi

türkiye awazi radiyosi xewiri: iranning fars xewer agéntliqining bildürüshiche, baqiri paytext téhranda ötküzülgen axbarat élan qilish yighinida bergen bayanatida, iranning 2016 – yili süriyening heleb shehiride bir bashqurulidighan bomba zawuti qurghanliqini éytti.

iran qurghan zawutning helebtiki sanaet rayoni etrapidiki öktichiler we süriye eskerliri toqunushuwatqan rayonda ikenliki texmin qilinmaqta.

zawutning bashqurulidighan bomba ishlepchiqirishni dawamlashturup dawamlashturmighanliqi, bashqurulidighan bombilarning türi we musapisi heqqide melumat bermigen baqiri, «iran aldinqi yillarda süriyening heleb shehiride qurghan zawutta ishlepchiqirilghan bashqurulidighan bombilar 33 künlük urushta israiliyege qarshi ishlitildi» dédi.

israiliye 2006 – yili iyulda uda 33 kün liwanni bombardiman qilishi, «33 künlük urush» dep atilidu.

süriyelik öktichilerning bildürüshiche, bu bayanat yéngi emes bolup, iran 2002 – yili beshshar esed bilen tüzgen kélishimge asasen herbiy eslihelerni ishlepchiqirishqa bashlighan.



مۇناسىۋەتلىك خەۋەرلەر