musulni daéshtin tazilash herikiti dawamlashmaqta

türkiye awazi radiyosi xewiri: herbiy heriket dairiside yene 3 yéza daéshtin tazilandi.

iraq armiyesi musulning gherbiy jenubidiki ennemrud nahiyesining elabbas we ennujeyfe yézilirini daéshchilardin tazilash üchün herbiy heriket élip bardi.

uda birqanche saet dawamlashqan qattiq toqunushlardin kéyin iraq armiyesi bu ikki yézinimu azad qildi.

musulgha eng yéqin bolghan tilyare yézisimu azad qilindi.

iraq armiyesi peshmerge küchliri we köpinchisini bashika herbiy lagéridiki türk eskerliri terbiyeligen ninowa mujahidliri bilen birlikte 17 – öktebir küni musulni térrorluq teshkilati daéshtin azad qilish üchün herbiy heriket bashlighanidi.