iraqtiki fethullahchilarning mektepliri maarip ministirliqigha ötküzüwélinidu

iraqtiki fethullahchi térrorluq teshkilatigha tewe mekteplerning iraq maarip ministirliqi ötküzüwélinidighanliqi we bu mekteplerde iraqliq oqutquchilarning özliri muellimlik qilidighanliqi bildürüldi.

iraqtiki fethullahchilarning mektepliri maarip ministirliqigha ötküzüwélinidu

türkiye awazi radiyosi xewiri: iraqtiki fethullahchi térrorluq teshkilatigha tewe mektepler iraq maarip ministirliqigha ötküzüwélinidu.  

igilinishiche, bu mekteplerde iraqliq oqutquchilar özliri wezipe öteydiken.

fethullahchilargha tewe bezi sheherlerdiki 9 mektepni maarip ministirliqigha  ötküzüwélish xizmiti resmiy bashlidi.

iraqliq mesullar maarip ministirliqi békitip chiqidighan oqutquchi qoshuni we derslikler toghruluq türkiyening iraqta turushluq elchixanisi bilen alaqe ornatti.

 oqutquchilar qoshuni berpa qilish mesilisi toghruluq türkiyening maarip ministirliqi mesulliri bilenmu kéngesh ötküzülüp, bu jehette ikki dölet ministirliqliri otturisida hemkarliq ornitilidiken.  

bu mekteplerning fethullahchilardin tazilinip iraq maarip ministirliqigha ötküzüwélinishi toghruluq 16-öktebirde iraq maarip ministirliqi qarar chiqarghanidi.

türkiyening baghdad elchisi faruq kaymakchi, fethullahchi térrorluq teshkilatigha tewe mekteplerni bir terep qilish üchün 2 yérim yildin buyan élip bérilghan xizmetlerning ünümi körülüshke bashlighanliqini éytti.

türkiye maarip ministirliqi bilen iraq maarip ministirliqi we türkiye maarip weqpisi qatarliq orunlarning fethullahchilarning mekteplirini bir terep qilish xizmetlirini axirlashturush meqsitide öz-ara ziyaret élip baridighanliqlirini éytqan kaymakchi, türkiyening maarip bolup barliq sahelerde iraqni qollashni dawamlashturidighanliqini bildürdi.


خەتكۈچ: iraq , fethullah

مۇناسىۋەتلىك خەۋەرلەر