боснийә сирп җумһурийити уруш җинайәтчилирини мукапатлиди

боснийә сирп җумһурийитиниң уруш җинайити садир қилғанларға тәқдирнамә бериши қаттиқ ғулғула қозғиди.

596645
боснийә сирп җумһурийити уруш җинайәтчилирини мукапатлиди

түркийә авази радийоси хәвири: боснийә сирп җумһурийити парламенти боснийә уруш җинайәтчилиригә тәқдирнамә бәрди.

мустәқиллиқ җакарлаш йолида қәдәмләрни ташлап балқан райониниң муқимсизлиқиға сәвәб боливатқан боснийә сирп җумһурийитиниң бу қетимқи һәрикити вәзийәтни техиму кәсинләштүрүвәтти.

боснийә урушида мусулманларни қәтли қилишқа йолйуруқ бәргән сабиқ баш министир радован карадзич вә муавинлириға урушта көрсәткән «хизмәтлири»сәвәбидин тәқдирнамә бәрди.

карадзич сиребренитсадики уруш җинайәтлири сәвәбидин 40 йил қамаққа һөкүм қилған болуп, нөвәттә турмида йатмақта.

бу «бимәнә тәқдирнамә»ни  карадзичниң муавин парламент башлиқи болған қизи сонйа карадзич җови-чәвич дадисиға вакалитән тапшуруп алди.

қурулғанлиқиниң 25-йиллиқида алаһидә йиғин чақирған сирп парламенти буниңлиқ биләнла болди қилмиди.

сабиқ муавин баш министирлардин  вә уруш җинайәтчиләрдин болған билйана пилавв сич, никола колйевич вә сабиқ парламент башлиқи момчило кира җисникму тәқдирнамә бериш қарар қилинди.  

20 йил қамаққа һөкүм қилинған сабиқ парламент башлиқи кира җисник 2013-йили, 11 қамаққа һөкүм қилинған пилавсич 2009-йили қойуп берилгәниди.


خەتكۈچ: #боснийә , #уруш

مۇناسىۋەتلىك خەۋەرلەر