tashqi pilanétada rastinla insanlar barmu?

türkiye awazi radiyosi xewiri: rusiyelik milyardér yuri milnér we feyisbukning qurghuchisi mark zukérbérg maddiy jehettin yardem qilghan engliyelik fizika piroféssori stéfén xawking «tashqi pilanétalardiki medeniyetlerni keship qilish» üchün bashlighan layihesining deslepki netijilirini élan qildi.

melumatlargha asaslanghanda, 2.5 milyon yultuzning 234 idin normal bolmighan signallar bayqalghan bolup, bu signallarning alemdiki tereqqiy qilghan medeniyetlerdin kelgen bolush éhtimali bar iken.

xawking matématikiliq jehettin yer sharining sirtida janliqlarning barliqini qobul qilishning, éhtimali yuqiri bolghan nezeriye ikenlikini dawamliq tekitleydu. u yene, yer sharining sirtidiki janliqlarning yer sharini tépiwalghanda, aqiwitini anche yaxshi bolmaydu, dep qaraydu. bu sewebtin, u: «birinchi bolup tapqan biz bolushimiz lazim» deydu.

u buningdin burun élan qilghan melumatliridimu yer sharining sirtidiki janliqlarning, yeni bashqiche qilip éytqanda, tashqi pilanétaliqlarning insaniyetning axirini keltürüp qoyush mumkinchiliki toghrisida agahlandurghan idi. u tashqi pilanétaliqlarning köchmenlik medeniyitige ige bolush mumkinlikini ilgiri sürüp, ularning özi yashawatqan pilanétadiki bayliqlarni tügitip, yashashqa uyghun bashqa pilanéta izdewatqan bolush mumkinlikini bildürgen idi.