rusiye helebni toxtimay bombardiman qilmaqta
rusiye tünügün helebke 30 din artuq (weyran qilish küchi yuqiri) bomba yaghdurdi.
türkiye awazi radiyosi xewiri: süriyening shimalidiki heleb shehiride qozghilangchilarning kontirolluqidiki rayongha qilinghan hawa hujumida 15 kishi hayatidin ayrildi.
helebtiki xelq mudapie etriti mesuli babiris meshal qozghilangchilarning kontirolluqidiki firdews rayonigha rusiye ayropilanlirining (weyran qilish küchi yuqiri) bombilarni yaghdurghanliqini éytti.
nurghun sanda yaridarlarning barliqini bildürgen meshal, xelq mudapie etritining bina xarabiliqliri astida qalghan 10 gha yéqin kishini qutquzup chiqishqa tirshiwatqanliqini bildürdi.
meshal, maadi rayoniningmu bombardiman qilinghanliqini bildürüp: «rusiye urush ayropilanliri ikki kündin buyan helebning sherqide qozghilangchilarning kontirolluqidiki rayonlarni éghir derijide bombardiman qilmaqta. rusiye tünügün sheherge 30 din artuq (weyran qilish küchi yuqiri) bomba yaghdurdi» dédi.
