esed we rusiye ayropilanliri helebte qirghinchiliqni dawamlashturmaqta

türkiye awazi radiyosi xewiri: süriyening heleb shehiride esed qisimlirining qorshawi astidiki puqralarning turalghu yerlirige qilinghan hawa hujumida 56 kishi hayatidin ayrilip, 220 kishi yaridar boldi.

helebning hemmila yéride qutquzush xizmetliri bilen shughulliniwatqan xelq mudapie etriti mesullridin nejip ensari anadolu muxbirlirigha bergen bayanatida, rusiye we esed qisimlirigha tewe urush ayropilanlirining sheher merkizide esed eskerlirning qorshawi astidiki bustan, meshhed, kellese, salihiyin we firdews rayonlirini qattiq bomardiman qilghanliqini éytti.  

puqralarning turalghu jaylirini nishan qilghan hujumlardin kéyin xarabiliqqa aylanghan binalarning astidin qutquzush xizmetliri dawamlashmaqta. hayatidin ayrilghanlarning arisida ayallar we kichik balilarningmu barliqi bildürüldi.

bombardiman nurghunlighan binalarni éghir derijide weyran qildi.

cheklik imkaniyetler bilen bina xarabiliqliri astidin adem qutquzush xizmetliri dawamlashmaqta. barghansiri hayatidin ayrilghanlar sanining éship kétishi mölcherlenmekte. yaridar bolghanlar chédir doxturxanilargha yötkelmekte.

esed we rusiye ayropilanlirining tünügünmu helepte puqralarning olturaq rayonlirini bombardiman qilishi tüpeyli 86 puqra hayatiidin ayrilip, 200 din köprek kishi yaridar bolghan idi.