нийу йорктики партлашниң гумандари әһмәтхан ким?
әсли афғанистанлиқ америка пуқраси әһмәтхан раһами нийу йорк шәһиридә йүз бәргән партлаш кәлтүрүп чиқарғанлиқи гумани билән тутулди.
573764
түркийә авази радийоси хәвири: мәлуматларда қәйт қилинишичә, 29адәмни йаридар қилған 28 йашлиқ әхмәтхан раһами нийу йоркқа қошна нийу җерсийда аилиси билән йашайдиған болуп, бир қизартилған тоху ресторанида ишләйдикән. өйи өзи ишләйдиған ресторанниң үстидә икән.
у достанә бири болуп, ресторанниң даимлиқ херидаридин бири болған ритан миккан әһмәтханниң «достанә бири» икәнликини ейтқан.
у мундақ дегән:
«һәптидә бир қетим ресторанға бараттим. һазирғичә раһамида алаһидә бир нәрсә байқимидим, америкиға көнүп қалған бир аилигә охшайтти. машинини йахши көрәтти, < Honda Civic> бәкму йахши көрәтти, тез һәйдәшни йахши көрәтти. һәрдаим машина тоғрилиқ гәп қилатти.»
