amérika: p y d ning süriyege bizning bayriqimizni qadighanliqidin xewirimiz yoq
amérika «hemrahimiz» dep teriplewatqan p y d liq térroristlarning süriyede amérika bayriqini qadighanliqidin xewiri yoqluqini ilgiri sürdi.
türkiye awazi radiyosi xewiri: amérika qoshma ishtatliri dölet mudapiye ministirliqi bayanatchisi pétér kok süriyening telebyad nahiyesidiki binalargha bölgünchi térrorluq teshkilati p k k ning rayondiki quyruqchisi bolghan p y d liq térroristlarning amérika bayriqini qadighanliqi toghruluq héchqandaq bir xewerni körmigenlikini ilgiri sürüp mundaq dédi: «bundaq bir ehwal bolsa, bu heqte ittipaqdashlirimiz bilen söhbet élip barimiz. biraq biz ilgirimu ittipaqdashlirimizdin amérika bayriqini qadimasliqini telep qilghaniduq.»
térrorluq teshkilati p y d ning tel ebyad nahiyesining mumbatih rayonidiki 3 nuqtigha qadighan amérika bayriqini shanliurfaning aqchaqele nahiyesidinmu körgili bolidu.
térroristlar 2 – séntebir künimu firat deryasining gherbidiki munbich nahiyesige qarashliq rafi yézisida amérika bayriqirini qadighan. yerlik menbeler térroristlarning bayraqni qalqan qiliwalghanliqini bildürgenidi.
