hurmuz boghuzida yéngidin iran – amérika yirikchiliki yüz berdi
amérika, iranning töt xewpsizlik kémisining besre qoltuqida bir amérika paraxotigha dexli qilghanliqini élan qildi.
türkiye awazi radiyosi xewiri: amérika mudapie ministirliqining bir emeldari, iran inqilab muhapizetlirining töt bixeterlik kémisining mexsus rakétamiyot yoqitip tashlighuchi USS nitzé namliq urush paraxotigha yuqiri süretlik kémiler bilen xeterlik halette yéqinlashqanliqini bildürdi.
amérika urush paraxotining kémilerni agahlandurup hawagha 10 qétim oq chiqarghanliqini, agahlandurush signalining chélinghanliqii eskertken mezkur emeldar, nitzé namliq urush paraxotining simsiz alaqilishish apparati arqiliq iran kémiliri bilen alaqe ornitishqa urunghanliqini qeyt qildi.
kémilerning ikkisining agahlandurushlargha pisent qilmastin paraxotqa 274 métir kélidighan yergiche süritini astilatmastin yéqinlashqanliqini tekitligen amérika mudapie ministirliqining mezkur emeldari, nitzéning yönilishini özgertkenlikini tilgha élip ötti.
déngiz qisimliri heriket bashliqi adméral jon richardson, weqening amérika déngizlarda duch kéliwatqan riqabetni eks ettürüp bergenlikini we téhran bilen déngizdiki sürkilishni keltürüp chiqarghanliqini ilgiri sürdi.
iran urush paraxotliri ötken yili dékabir éyida hurmuz boghuzigha yéqin jayda bomba sinaq qilghan bolup, qoyup bérilgen bombilar amérika awiamatkisi USS harry s.trumanning 1370 métir yiraqliqigha chüshkenidi. iran armiyesi bu ish yüz bérip aridin bir ay ötkendin kéyin yene mezkur awiamatkining üstidin qoralsiz uchquchisiz hawa apparatini uchurtqanidi.
iran, 12 – yanwarda besre qoltuqidiki farsi ariligha yéqin bir jayda amérika déngiz armiyesining ikki kémisi bilen uningdin biri ayal jemiy 10 eskerni iran déngiz tewelikige qanunsiz kirgenlikini ilgiri sürüp tutuwalghan, aridin bir kün ötkendin kéyin iran déngiz tewelikige qesten kirmigenliki qeyt qilinip qoyup bérilgenidi.
