xiroshima palakitining 71 – yilliqi xatirilenmekte

yaponlar ikkinchi dunya urushida  amérika qoshma ishtatliri 1945 - yili 6 – awghust küni xiroshima shehirige tashlighan atom bombisida ölgen qurbanlarni murasimlar arqiliq xatirilimekte.

546219
xiroshima palakitining 71 – yilliqi xatirilenmekte
hiroşima atom bombası kubbesi.jpg
hiroşima anma.jpg
hiroşima anma.jpg
hiroşima anma1.jpg

türkiye awazi radiyosi xewiri: dunyada tunji atom bombisi tashlanghan xiroshima shehirining pütünley xarab bolushi we 70 ming kishining ölüp kétishini keltürüp chiqarghan palaketning 71 – yilliqini xatirilesh murasimi shu qétimqi hujumning merkizi etrapidiki tinichliq baghchisida ötküzüldi.

murasimlargha qatnashqan yaponiye bash weziri shinzo abému dunyaning yadro  qoralliridin xaliy qilinishi üchün yene bir qétim chaqiriqta boldi.

xiroshima sheher bashliqi kazumi matsuymu dunya rehberlirining xiroshimani ziyaret qilip, yadro qoralliri keltürüp chiqarghan xarabiliklerni öz közi bilen körüshini telep qildi, yadro qorallirigha ige döletlerge amérika pirézidénti barak obamaning may éyida xiroshimani ziyaret qilghanda dégen sözlirini eslitip mundaq dédi: «endishilirimizdin qutulush üchün jasaretlik bolush lazim we endishilerdin xaliy bir dunya berpa qilish üchün tirishchanliq körsitishimiz kérek.»

murasimda birleshken döletler teshkilati bash katipi ban kimon yollighan teziye télégrammisi b d t wekili teripidin oquldi. ban kimon télégrammisida, dunyaning atom bombisining tesirige uchrighanlarning rohigha bashqa waqittikige qarighanda hazir bekrek éhtiyaj barliqini eskertti hemde bundaq palaketning qayta tekrarlanmasliqi üchün, pütkül dunyani mesuliyetni öz üstige élishqa chaqirdi.

amérika xiroshimagha tunji atom bombisini tashlighandila 70 ming kishi qaza qilghan, sheherning % 90 ti pütünley weyran bolghan, aridin üch kün ötkendin kéyin nagazasige ikkinchi atom bombisi tashlanghan we minglarche kishi ölgen, shuningdin kéyin, yaponiye ikkinchi dunya urushida meghlub bolghanliqini qobul qilip, urush meydanliridin chékingenidi.



مۇناسىۋەتلىك خەۋەرلەر