amérika bilen awstiraliye xitayni agahlandurdi

türkiye awazi radiyosi xewiri: amérika muawin pirézidénti jo baydin awstiraliyede «sidnéy péshwalar seher géziti» ning ziyaritini qobul qilghanda xitayni agahlandurup, «xitay bashqa döletlerge oxshash xelqaraliq qanun – pirinsiplargha hörmet qilishi kérek» dégen. amérika hökümiti xelqara sot jenubiy déngiz heqqidiki qararini élan qilghandin kéyinmu ,köp qétim xitayni xelqara sotning qararigha hörmet qilishqa chaqirghan idi.

igilinishiche, jo baydinning bu qétimqi awstiraliye ziyariti amérika – awstiraliye herbiy ittipaqliqini qandaq qilip téximu kücheytishke we birlikte jenubiy déngizning «erkin déngiz yoli» bolushini qoghdashqa qaritilghan. amérika we awstiraliye hökümetliri éniq qilip, xelqara sotning jenubiy déngiz heqqidiki qararining eng axirqi we inawetlik höküm ikenlikini bildürgen.

xitay hökümiti xelqara sotning 12 – iyuldiki jenubiy déngiz heqqidiki qararini ret qilghandin kéyin, amérika, yaponiye we awstiraliye qatarliq döletler arqimu arqa bayanat élan qilip, xitayni xelqaralq qanun – pirinsiplargha hörmet qilishqa chaqirghan idi.

mongghuliyede échilghan asiya – yawropa hökümet bashliqliri yighinigha qatnashqan yaponiye bash weziri shinzu abi yighindin xitayning xelqara sotning qararigha hörmet qilishi heqqide bésim qilishqa chaqirghan. xitay bash ministiri li kéchyang shinzu abining sözige qarshi chiqip, yaponiyedin qilghan sözlirige diqqet qilishni  telep qilghan.