amérikining «‹ térrorluq teshkilatliri› tizimliki» de p y d yoq

amérika qoshma ishtatlirining «2015 – yilliq térrorluq teshkilatliri tizimliki» ge térrorluq teshkilati p k k ning süriyediki quyruqchisi p y d kirgüzülmidi.

503176
amérikining «‹ térrorluq teshkilatliri› tizimliki» de p y d yoq

türkiye awazi radiyosi xewiri: tizimlikke  p k k, TAK, DHKP-C, MLKP we daésh qatarliq teshkilatlargha mensup shexsler kirgüzüldi.

türkiye dairiliri p y d we y p g ning térrorluq teshkilati ikenliki toghruluq amérika dairilirini köp  qétim agahlandurghanidi. shundaqtimu amérika p k k ning süriyediki quyruqchisi p y dni tizimlikke kirgüzmidi.

p y d «türkiyediki térrorluq teshkilatliri» qismida bir qétimla tilgha élindi hemde türkiyening p y d we uning herbiy qaniti y p g ni térrorluq teshkilati dep qaraydighanliqi eskertildi, enqerening térrorluq teshkilatlirigha qarshi küresh qiliwatqanliqi tepsiliy otturigha qoyuldi.

amérikining tizimlikni öz ichige alghan doklatida, türkiyede térrorluq teshkilati p k k ning 2015 – yili iyuldin tartip hazirghiche élip bériwatqan hujumlirida 300 din artuq  dölet xewpsizlik xadimining hayatidin ayrilghanliqi eskertildi, bultur dunyaning herqaysi jayliridiki térrorluq hujumlirida % 13 aziyish körülgenliki؛ biraq misir, afghanistan, süriye we türkiye qatarliq döletlerde köpeygenliki tekitlendi؛ daéshning eng chong xelqaraliq tehdit ikenliki qeyt qilindi.



مۇناسىۋەتلىك خەۋەرلەر