seudi erebistan F-15E liri injirlikke qondi
térrorluq teshkilati daéshqa qarshi herbiy heriketler üchün teshkil qilinghan birleshme qisimdin orun alghan seudi erebistanning töt dane F-15E ayropilani adanadiki injirlik hawa armiye bazisigha qondi.
türkiye awazi radiyosi xewiri: 5ming kilométirghiche yétip baralaydighan we saitige 3 ming kilométir tézlikte uchalaydighan F-15 ler, bügün (26 – féwral) enqere waqti 13:30 da injirlik bazisigha qondi.
F-15E küreshchi ayropilani yuqiri iqtidargha ige, nishanigha yéqinlishalaydighan bolup, bomba we bashqurulidighan bomba atalaydu. seudi erebistanning F-15E liri, amérika bashchiliqidiki birleshme qisimning rayondiki hawa heriketliri we türkiyening chégra bixeterlikini qoghdash heriketliride wezipe öteydu.
seudi erebistan hökümiti ötken hepte ewetilidighan ayropilan sanini töt, herbiy xadim sanini 15 dep élan qilghan idi. bu bayanat élan qilinip uzun ötmey, « C-130» tipliq tiransiport ayropilani we eshyalar adanagha élip kélingen idi.
seudi erebistan 2010 – yili urush ayropilanlirini yéngilighan bolup, amérika kéngesh palatasining testiqi bilen oxshimighan tiptiki 84 dane F-15 sétiwélinghan idi.
seudi erebistanning injirlik hawa armiye bazisigha ayropilan ewetidighanliqi, 13 – féwral türkiye tashqi ishlar ministiri mewlüt chawushoghlumu qatnashqan «miyunxén» xewpsizlik konféransida éniq bolghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
