بىر خىتاي پۇقراسى پىلنىڭ ھۇجۇمىغا ئۇچراپ ئۆلدى

تۈركىيە ئاۋازى رادىيوسى خەۋىرى: ھىندىستان تاراتقۇلىرىدىكى خەۋەرلەرگە ئاساسلانغاندا، رايگار شەھىرىنىڭ كاتېنگاپالى يېزىسىدا قۇرۇلۇۋاتقان ئېلېكتىر ئىستانسىسىدا ئىنژېنېر بولۇپ ئىشلەۋاتقان 41 ياشلىق جوڭ كىتاۋ، بۈگۈن (7 – سېنتەبىر) سەھەردە دوستلىرى بىلەن ئورماندا ئايلىنىۋاتقاندا قويۇۋېتىلگەن پىلغا ئۇچراپ قالغان. پىل جوڭ كىتاۋنى دەسسەپ ئىزىۋەتكەن، باشقىلار بولسا، بۇ پۇرسەتتە قېچىپ كەتكەن.
ھىندىستاندا تەخمىنەن 26 مىڭ پىل بارلىقى تەخمىن قىلىنىدۇ. ھىندىستاندا شەھەر پىلانىنىڭ قالايمىقان بولۇشى ۋە بوز يەر ئېچىش ھەرىكەتلىرى سەۋەبىدىن ھاياتلىق يولى تارىيىپ كەتكەن پىللارنىڭ ئادەملەرنى دەسسەپ ئۆلتۈرۈش ۋە ئۆيلەرگە زىيان سېلىش ۋەقەلىرى پات – پات يۈز بېرىپ تۇرىدۇ.