obama seudi erebistanda ziyarette boldi
amérika qoshma ishtatliri pirézidénti barak obama hindistandiki dölet ishliri ziyaritini yérim yolda toxtitip qoyup, teziye ziyaritide bolush üchün seudi erebistangha bardi.
199579
türkiye awazi radiyosi xewiri: obamagha ötken hepte hayatidin ayrilghan seudi erebistan padishahi abdullah üchün teziye bildürüsh ziyariti jeryanida repiqisi michél obama, démokratlar we jumhuriyetchi partiyening sabiq tashqi ishlar ministirliri kondolézza rays we jeymés beykér qatarliq köp sanda kishi hemrah boldi.
ziyaret jeryanida rayon xaraktérlik mesililer muzakire qilindi. amérikiliq emeldarlar teminligen uchurgha asaslanghanda, uchrishishta térrorluq teshkilati i sh i d qa qarshi küresh, yemendiki eng yéngi ehwallar, süriyediki ichki urush we iranning yadro pilani qatarliq mesililer muzakire qilinghan.
amérika qoshma ishtatliri seudi erebistanning ottura sherqtiki halqiliq ittipaqdashlirining biri, dep qarilidu.
