پەلەستىن پارلامېنت بىناسى بومباردىمان قىلىندى

تۈركىيە ئاۋازى رادىيوسى خەۋىرى: ئىسرائىلىيە ئۇرۇش ئايروپىلانلىرى پەلەستىن پارلامېنت بىناسىنى بومباردىمان قىلدى.
ئىسرائىلىيە ئۇرۇش ئايروپىلانلىرى غەززەنىڭ رىمال مەھەللىسىگە جايلاشقان پەلەستىن پارلامېنت بىناسىنى بومباردىمان قىلدى.
غەززەدىكى پەلەستىن سەھىيە مىنىستىرلىكى باياناتچىسى دوكتور ئەشرەف ئەلقۇدرا، ئانادولۇ ئاگېنتلىقىنىڭ زىيارەت خاتىرىسىنى قوبۇل قىلغاندا بەرگەن باياناتىدا، ئىسرائىلىيە ئۇرۇش ئايروپىلانلىرىنىڭ غەززەدىكى پەلەستىن پارلامېنت بىناسىنى بومباردىمان قىلغانلىقىنى، ۋەقەدە ئادەم ئۆلۈش ۋە يارىلىنىش ئەھۋالى كۆرۈلمىگەنلىكىنى ئەسكەرتتى.
سەھىيە مىنىستىرلىكىنىڭ مەلۇماتلىرىغا قارىغاندا، ئىسرائىلىيەنىڭ 7 - ئىيۇلدا باشلانغان ۋە ھازىرغىچە داۋاملىشىۋاتقان ھۇجۇملىرىدا 578 ى نارىسىدە بالا، 161 ى ئايال ۋە 102 سى ياشانغانلار بولۇپ، جەمئىي 2 مىڭ 135 كىشى ھاياتىدىن ئايرىلغان، 10 مىڭ 918 كىشى يارىلانغان.