мисирда пирезидент сайламлири бүгүнму давамлишиду
мисир хәлқи түнүгүн қаттиқ бихәтәрлик тәдбирлири астида өткүзүлгән пирезидент сайламлирида аваз беришкә қатнашти
түркийә авази радийоси хәвири: мисирда пирезидент сайламлири бүгүнму давамлишиду.
мисир хәлқи түнүгүн қаттиқ бихәтәрлик тәдбирлири астида өткүзүлгән пирезидент сайламлирида аваз беришкә қатнашти. дөләттә 2013 - йили 3 - ийул һәрбий - сийасий өзгиришидин кейин ишқа ашурулған тунҗи сайлам бүгүн кәчтә ахирлишиду. көплигән намзатларниң қатнишиши мәний қилинған сайлам, һәрбий - сийасий өзгириш қозғап һакимийәтни тартивалған генерал абдулфәттаһ әссисиниң бирдин бир рәқиби журналист вә сийасийон һамидин сабаһи... мәлуматларға қариғанда, сайламниң дәсләпки нәтиҗилири сандуқлар тақалғандин кейин әнқәрә вақти чүштин кейин саәт 9 да елан қилинидикән. мөлчәрлинишичә, сабаһиниң % 10 тин төвән авазға еришиш еһтималлиқи бар икән. түнүгүн сайламға қатнишиш нисбити бурунқилириға қариғанда наһайити төвән сәвийәдә болуп, көплигән җайларда % 30 тин төвән сәвийәгә чүшүп қалған. аваз беришкә қатнишиш үчүн мисирда дөләт орунлири тақалған. сайлам комитети, сайлиғучиларниң беләт ташлиған намзатларниң йениға қоллашни билдүрүп хәт йезип қойған тәқдирдиму инавәткә игә икәнликини уқтурған. бу арилиқта, қаһирәдә сисиниң сайлам сәпәрвәрлик һәрикәтлиридә ишләйдиған бир киши кечиси өйигә кетиватқанда өлтүрүлгән. қаһирә вә искәндәрийәдә һәрбий - сийасий өзгиришкә қарши намайишлар өткүзүлгән.
