24.08.2021

bügünki chet el metbuatliridin tallap teyyarlanghan muhim xewerlirimizning qisqiche mezmunliri töwendikiche:

1696349
24.08.2021

türkiye awazi radiyosi: qatarda chiqidighan «erraye elqatariyye géziti», türkiye jumhur reisi rejep tayyip erdoghanning afghanistan toghrisida zor diplomatik tirishchanliqlarni körsitiwatqanliqini xewer qildi.

ummanda chiqidighan «el weten géziti», afghanistandiki kabul ayrodurumida chiqqan qalaymiqanchiliqta nurghun kichik balilarning jénidin ayrilghanliqini we nurghun balilarning iz-déreksiz ghayip bolghanliqini xewer qildi.

gérmaniye awazi radiyosi, afghanistandiki gérmaniyelik we yerlik xadimlarni tarqaqlashturush xizmetlirining kéchikishi sewebidin tenqidke uchrighan gérmaniye dölet mudapie ministiri anégrét kamp kaghinbawaning (Annegret Kramp-Karrenbauer), «mesuliyetni üstige élishqa teyyar ikenliki» ni éytqanliqini xewer qildi.

gérmaniyening «tagésshaw.dé» tori (Tageschau.de), amérika bilen gérmaniyening jiddiy ehwallarda panahlinish merkezlirini qurushni pilan qiliwatqanliqini xewer qildi.

xewerde, afghanistandin tarqaqlashturulghan texminen 4 ming kishining bawyéra we ghayinland falzdiki (Rheinland-Pfalz) amérika herbiy bazilirigha waqitliq orunlashturulushi mumkinliki qeyt qilindi.

firansiyede chiqidighan «lé figaro géziti» (Le Figaro), firansiyege élip bérilghan besh afghanistanliqning talibangha chétishliq ikenliki ilgiri sürülüp tutulghanliqini xewer qildi.

firansiyede chiqidighan «lé parisiyin géziti» (Le Parisien), firansiye sehiye ministiri wéranning bayanat élan qilip, séntebir éyi (2021) din bashlap 65 yashtin yuqiri kishilerge üchinchi shishe wuxen wirusi (Kovid-19 ) waksinasi emlinishining mumkinlikini éytqanliqini xewer qildi.

rusiyede chiqidighan «rosisiyiskaya géziti» (Rossiyskaya), rusiye tashqi ishlar ministirliqining, «rusiye gaz yetküzüshte ukraina zéminidin paydilanmay turupmu nishanigha yételishi mumkin» dep bayanat élan qilghanliqini xewer qildi.

«r b k téléwiziyesi» (RBK), 2021-yilining yanwar éyidin iyul éyighiche bolghan mezgilde, türkiyege 1.55 milyondin artuq rusiyelik sayahetchining kelgenlikini xewer qildi.

ispaniyede chiqidighan «él pais géziti» (El País), ispaniyede mekteplerning séntebir éyida toluqsiz ottura we toluq ottura mektep oqughuchilirining yérimini wuxen wirusi waksinasi bilen emlesh sayisida oqush bashlaydighanliqini xewer qildi.

ispaniyede chiqidighan «él mundo géziti» (El Mundo), amérikaning fayzér (Pfizer) we biyonték (BioNTech) waksinasini toluq testiqlighanliqini xewer qildi.



مۇناسىۋەتلىك خەۋەرلەر