04.08.2021

türkiye awazi radiyosi: iyordaniyede chiqidighan «eddustur» géziti, iyordaniye padishahi abdullah ikkinchining seudi erebistanning dölitini qollighanliqigha minnetdarliq bildürgenliki toghrisidiki uchurlarni oqurmenlirining diqqitige sundi.

londonda ereb we ingliz tillirida neshr qilinidighan «elquddus elerebi» géziti, aljiriyeni öz ichige alghan bir qisim afriqa döletlirining israiliyening afriqa elliri ittipaqigha küzetküchi eza süpitide qobul qilinishigha resmiy qarshi chiqqanliqini yazdi.

qatarda chiqidighan «erraye elqatariyye» géziti, jumhur reis rejep tayyip erdoghanning türkiyening dala ot apetlirige qarshi küreshlirini qollighan qatar we bashqa döletlerge rehmet éytqanliqini yazdi.

gérmaniyening «BR24.de» tori, yawropa ittipaqining türkiyening ot apetlirige qarshi kürishini qollaydighanliqini xewer qildi.

gérmaniyening «tagéshshau.dé» géziti, (gérmaniyediki) yéshillar partiyesining saylamda ghelibe qilip qalghan teqdirde, hökümet qarmiqida «kilimat qoghdash ministirliqi» dégen namda bir ministirliq tesis qilishni oylishiwatqanliqini ilgiri sürdi.

gérmaniyening «firankfortér algéméyn zéytong» géziti, gérmaniye sehiye ministirliqining heqsiz yuqum tekshürüsh xizmetlirini öktebirning otturilirida axirlashturushni tewsiye qilghanliqini yazdi.

ispaniyening «él pais» géziti, kowid – 19  yuqumigha qarimay, ispaniyening 7- ayda 19 milyon 590 ming ijtimaiy kapalet ezasi bilen ishqa orunlashturush rékortini buzghanliqini xewer qildi.

ispaniyening «El Periódico» géziti, kataloniyening charshenbe künidin bashlap 12 yashtin 15 yashqiche bolghan balilargha kowid – 19 waksinisi emleshni bashlighanliqini yazdi.

ispaniyening «efe agéntliqi», amérika kéngesh palatasining, kubaning 11-iyul namayishidin kéyinki basturushlirini eyibleydighan bir qararni birdek awaz bilen maqullighanliqi we karib déngizi döliti xelqi bilen hemkarliq ichide ikenlikining signalini bergenlikini xewer qildi.

firansiyening «lé figaro» géziti, korsikada bimarlar éqinining kélishige teyyarliq körüsh üchün doxturxanilarning iqtidarining ashurulghanliqini ilgiri sürdi.

firansiyening «lé mondé» géziti, guadélop arilidiki kowid – 19 yuqumi weziyitining intayin nachar ikenlikini, shunga kem dégende üch hepte boyiche hemmila yerni toluq taqashning qarar qilinghanliqini yazdi.

rusiyening «bügünki rusiye» xewerliri tori, amérikaning «dölet menpeeti» zhurnilining, rusiyening «shimaliy éqin -2» türini tamamlighandin kéyin ukrainani jazalaydighanliqini otturigha qoyup, ukraina arqiliq gaz toshushning cheklik bolidighanliqini, yawropa ittipaqi döletlirining menpeeti ziyangha uchrimighachqa, ularningmu rusiye bilen ukraina otturisida wasitilik rol oynashni xalimaydighanliqini ilgiri sürgenlikini yazdi.

rusiyening «lénta.ru» xewerler tori, rusiye insanlar saghlamliqi we istémal hoquqini qoghdash tetqiqat ornining mesuli anna popowaning, rusiyediki kowid – 19 yuqumigha munasiwetlik ehwalning yenila éghir ikenlikini, 7-ayning axirqi üch heptiside bu késelge giriptar bolghanlarning %70 de wirusning délta wariyantining bayqalghanliqini éytqanliqini xewer qildi.

rusiyening «izwéstiya» géziti, rusiyelik karaté anna chérnishéwaning wirustin yuqumlanghanliqi üchün olimpik tenheriket musabiqisige qatnishalmaydighanliqini yazdi.