30.07.2021

бүгүнки чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1682812
30.07.2021

түркийә авази радийоси хәвири: қатарда чиқидиған «әррайә әлқатариййә» гезити, җумһур рәис рәҗәп таййип әрдоғанниң, түркийә қара чаплаш вә тәһдиткә баш әгмәйду, дегән сөзлиригә орун бәрди.

ирақниң «әззаман» гезити, американиң пайтәхт бағдадтики әлчиханиси әтрапиниң башқурулидиған бомба һуҗумиға учриғанлиқини хәвәр қилди.

оманда чиқидиған «әлвәтән» гезити, бәһрәйнниң вирус сәвәбидин 16 дөләт пуқрасиниң дөләт тәвәликигә киришини чәклигәнлики тоғрисидики учурларни оқурмәнлириниң диққитигә сунди.

фирансийәниң «фиранс-24» хәвәрләр қанили, сенегалдики дохтурханиларда ковид – 19 ниң үчинчи долқуни сәвәбидин бимарлар зичлиқи көрүлгәнлики тоғрисидики учурларни көрүрмәнлири билән ортақлашти.

фирансийәниң «ле матин» гезити, фирансийәдә сахта ковид ваксина әмләш испати содиси қилған бир кишиниң бир йиллиқ қамақ җазасиға һөкүм қилинғанлиқини хәвәр қилди.

фирансийәниң «ле фигаро» гезити, бир тәкшүрүш нәтиҗисиниң, түрмидин қойуп берилгәнләрниң үчтин бириниң кейинки йили қайта җинайәт садир қилғанлиқини оттуриға қойғанлиқини йазди.

германийәниң «здф.де» тори, германийәдики бир химийәлик завутниң қаттиқ ташландуқ маддиларни көйдүрүш мәйданидики партлашта қаза қилғанлар саниниң  бәшкә йәткәнликини хәвәр қилди.

германийәниң «ard.de» тори, германийәдә 7- айда пул пахаллиқиниң йеқинқи 13 йилниң әң йуқири сәвийигә йәткәнликини вә алдинқи йилиниң охшаш мәзгилигә селиштурғанда % 3.8 ашқанлиқини йазди.

германийәниң «zeit.de» тори, исраилийәниң 60 йаштин ашқанларға Pfizer / BioNTech ваксининиң үчинчи қутисини әмләйдиғанлиқини илгири сүрди.

русийәниң RBK тори, данийәниң сабиқ ташқи ишлар министири уфе еллеман җенсенниң йавропа дөләтлирини «шималий еқин -2» түрини росийәгә қарши пиросниң ғәлбиси (зор зийан бәдилигә қолға кәлтүрүлгән ғәлибә)гә айландурушқа чақирғанлиқини йазди.

русийәниң «спорт.ру» тори, олимпик тәнһәрикәт мусабиқисиниң оңдисиға 200 метирға үзүш түридә мәғлуп болған америкалиқ су үзүш маһири рийан мурфиниң алтун медалға еришкән русийәлик риқабәтчиси йевгени рилофниң дора ишләткәнликини илгири сүргәнликини йазди.

испанийәниң «ел мундо» гезити, дунйа сәһийә тәшкилатиниң һамилидар айалларни алдин ваксина әмләш тизимликигә киргүзгәнликини хәвәр қилди.

аргентинада чиқидиған «инфобийа» гезити, йеңи байқашларниң ваксина әмләнгән кишиләрниң делта варийантини тарқиталайдиғанлиқини көрситип бәргәнлики тоғрисидики учурларни оқурмәнлириниң диққитигә сунди.

венезуелада чиқидиған «телесур» гезити, аргентинада 18 йаштин йуқири %75 адәмгә ваксина әмләнгәнликини хәвәр қилди.



مۇناسىۋەتلىك خەۋەرلەر