26.07.2021

бүгүнки чәт әл мәтбуатлиридин таллап тәййарлиған қисқичә хәвәрлиримиз төвәндикичә:

1680195
26.07.2021

қатарниң «әлҗәзирә телевизийә қанили», тунис пирезиденти қайс сәидниң иҗраийә һоқуқини тапшурувалған һөкүмәтни бикар қилғанлиқини вә парламентниң һоқуқини тоңлитип қойғанлиқини хәвәр қилди.

«‹әлқуддус әләрәби› гезити», дәрада басқучлуқ келишим һасил қилинғанлиқини, ембаголар әмәлдин қалдурулған тәқдирдә, униң бәдилигә қораллар чекиндүрүлүп, һәрбий вә бихәтәрлик қисимлири қурулидиғанлиқини йазди.

ийорданийәдә чиқидиған «‹әддустур› гезити», (фирансийә пирезиденти еммануел) макронниң тел авив даирилиридин «пегасус» җасуслуқ программиси һәққидә ениқлима беришни тәләп қилғанлиқини хәвәр қилди.

германийә авази радийоси, германийә баш министирлиқи ишханиси башлиқи һелге вухгн вируси билән йуқумлиниш нисбитиниң ешиши мумкинлики һәққидә агаһландуруш елан қилғанлиқини, бравнниң пуқраларни ваксина әмлитишкә чақириқ қилип, ваксина әмләткәнләрниң техиму көп әркинликкә еришидиғанлиқини ейтқанлиқини хәвәр қилди.

германийәниң ‹Spiegel.de› хәвәрләр тори», тәбиий апәтләр җумһурийити германийәдә илгири чекидин ашқан дәп қаралған кәлкүн, боран вә орман от апәтлириниң бүгүнки күндә нормал һаләткә айлинип қалғанлиқини йазди.

испанийәдә чиқидиған «‹ел паис› гезити», испанийә һөкүмитиниң алдимиздики күнләрдә җәмий 30455 хизмәт орни билән тарихидики әң чоң аммини хизмәткә орунлаштуруш һәрикитини башлаш үчүн падишаһлиқ қарарнамисини тәстиқлашни  пиланлаватқанлиқини хәвәр қилди.

беруда чиқидиған «‹ел комерсийо› гезити», испанийә падишаһи 6 – фелипниң әтә (2021-йили 27-ийул) перуға берип, пирезидентлиққа сайланған педро кастиллониң қәсәм бериш мурасимиға қатнишидиғанлиқини хәвәр қилди.

аргентинада чиқидиған «‹ Infobae › гезити»,  испанийәниң аргентина, коломбийә вә боливийәдин кәлгән йолучиларни мәҗбурий карантинаға алидиғанлиқини хәвәр қилди.

фирансийәдә чиқидиған «‹ле фигаро›  гезити»,  фирансийәликләрниң тәхминән %60 ниң кәм дегәндә бир қетим ваксина әмләтгәнликини  хәвәр қилди.

фирансийәдә чиқидиған «‹ле монде›  гезити» вухән вируси ваксина карти бәлгилимисигә қарши сәпәрвәрликниң күчийиватқанлиқини, фирансийә миқйасида 161 миң өктичиниң пийадә йүрүгәнликини хәвәр қилди.

фирансийәниң «‹France 24› телевизийә қанили», тунис пирезиденти қайс сәидниң зораванлиқ намайишлиридин кейин баш министир (һишам әл мешши) ни вәзиписидин елип ташлап, парламентни тоңлитип қойғанлиқини хәвәр қилди.

русийәниң «‹TASS› агентлиқи, русийә баш министири михайил мишустинниң йапонийәниң шималидики курил арилиға қилған зийарити сәвәбидин йапонийәниң русийәгә наразилиқ билдүргәнликини хәвәр қилди.

русийәниң «‹RIA Novosti› агентлиқи», русийә әрләр валибол командисиниң токйо 2020-йиллиқ йазлиқ олимпик тәнһәрикәт мусабиқисида американи 1 гә қарши 3 нәтиҗә билән мәғлуп қилғанлиқини хәвәр қилди.

русийәдә чиқидиған «‹Rossiyskaya Gazeta› гезити», бензинниң  әрзанлиқи җәһәттә русийәниң йавропа бойичә иккинчи орунда туридиғанлиқини хәвәр қилди.



مۇناسىۋەتلىك خەۋەرلەر