15.01.2020

türkiye awazi radiyosi: gérmaniyening «shpiygél.dé» tori (Spiegel.de) amérikada 20-yanwar wezipe tapshuruwalidighan jo baydinning 1.9 tiriliyon dollarliq wuxen wirusi yardimini pilan qiliwatqanliqini xewer qildi.

gérmaniye awazi radiyosi, aptomobil sanaitide yérim ötküzgüch mehsulatliridiki yétersizliklerning aptomobil ishlepchiqirishta aqsashlargha seweb boluwatqanliqini xewer qildi.

gérmaniyening «a r d.dé» tori (ard.de), gérmaniye bash ministiri angéla mérkél tarqilish süriti yuqiri bolghan shekli özgergen wirus sewebidin, waqitni ötküzüwetmestin

 her qaysi ishtatning bash ministirliri bilen körüshüp, tedbirlerni téximu kücheytish üstide söhbetlishishni telep qilghanliqini xewer qildi.

iyordaniyede chiqidighan «eddestur géziti», dunya sehiye teshkilatining yuqumning ikkinchi yilining téximu zor bolush mumkinlikini bildürgenlikini xewer qildi.

«el weten géziti» kuweyt néfitining bahasining örlewatqanliqini xewer qildi.

ispaniyede chiqidighan «él pais géziti», rozhdéstwa bayrimidin buyan wuxen wirusi bilen yuqumlanghanlar sanining üch hesse, doxturxanida yétip dawaliniwatqanlar sanining ikki hesse  ashqanliqini xewer qildi.

kubada chiqidighan «prénsa latina géziti» (Prensa Latina), argéntina pirézidénti albérto férnandéz (lberto FernandezA), bala chüshürüshning qanunluq bolushini testiqlighanliqini xewer qildi.

argéntinada chiqidighan «infobiye géziti» (Infobae), iran hökümiti wénézuéla armiyesining telim-terbiyesi üchün ofitsér ewetkenlikini élan qildi.

«24-frans» qanili, bezi rayonlarda ijra qiliniwatqan saet 18:00 din kéyin sirtqa chiqishni cheklesh tedbirlirining, shenbe (2021-yili 16-yanwar) künidin bashlap pütkül firansiyede yolgha qoyulidighanliqini xewer qildi.

bélgiyede chiqidighan «löswa géziti» (Le Soir), amérika fédératsiye tekshürüsh idarisi (FBI) ning, jo baydinning wezipe tapshuruwélish murasimi jeryanida bezi zorawanliq weqelirining yüz bérishidin endishe qiliwatqanliqini xewer qildi.

rusiyening «lénta.ru» tori (Lenta.ru), twittérning rusiyening wuxen wirusigha qarshi yasap chiqqan  « Vsputnik» waksinasining adrésini taqap qoyghanliqini xewer qildi.

rusiyening «tas agéntliqi» (TASS), 2020-yili rusiyede puqralarning we xususiy igilik tikligüchilerning weyran bolush nisbitining %73 ge örligenlikini élan qildi.