10.11.2020

bügünki chet el metbuatliridin tallap teyyarlighan xewerlirimiz töwendikiche:

1525066
10.11.2020

türkiye awazi radiyosi: qatarda chiqidighan «elraya elqatariyya géziti», amérikada yéngi nöwetlik pirézidéntliqqa saylanghan jo baydinning, «hemmining pirézidénti bolimen... we wuxen wirusi waksinasi heqsiz bolidu» dégenlikini xewer qildi.

engliye paytexti londonda erebche chiqidighan «elquddus elerebi géziti», erméniye bash ministiri nikol pashinyanning: «rusiye we ezebeyjan rehberliri bilen ‹échinishliq› kélishim imzalidim» dégenlikini xewer qildi.

gérmaniyening «z d f.dé» tori (zdf.de), gérmaniye sehiye ministiri yéns shpan (Jens Spahn) ning, bionték (Biontech) we fayzér (Pfizer) shirketlirining üchinchi basquchluq klinkiliq sinaqlirida wuxen wirusining %90 tizginlengenliki toghrisidiki bayanatliri üstide toxtilip: «kishini jasaretlendüridu» dégenlikini xewer qildi.

gérmaniye awazi radiyosi, gérmaniyening 18 yilda türkiye déngiz armiyesige 522 milyon yawroluq éksport ruxsiti bergenlikini xewer qildi.

ispaniyede chiqidighan «él mundo géziti» (El Mundo), ispaniye aksiye baziri(IBEX)  ning, wuxen wirusi waksinasi tetqiqatliridiki ilgirileshler netijiside, yéqinqi 10 yildiki eng yuqiri sewiyeni körüp, künni axirlashturghanliqini xewer qildi.

ispaniyede chiqidighan «él pais géziti» (El Pais), amérikaning saylamda utup chiqqan pirézidénti jo baydin zidilerni yaxshilashni xalaydighanliqini we amérikaning oxshimighan yönülüshke qarap méngiwatqanliqini xewer qildi.

firansiyede chiqidighan «lé figaro géziti» (Le Figaro), lion shehirining etrapida xewpsizlik tarmaqliri bilen bir guruppa yashlar arisida toqunush yüz bergenlikini xewer qildi.

rusiyening «lénta.ru» tori (Lenta.ru), ezerbeyjan pirézidénti ilham eliyéw, rusiye pirézidénti wladimiz putin we erméniye bash ministiri nikol pashinyanning qarabaghda urush toxtitishni qarar qilghanliqini xewer qildi.

rusiyening «tas» agnétliqi (TASS), urush toxtitish qarari élan qilinghandin kéyin, rusiye tinchliq saqlash qisimlirining toqquz ayropilan bilen qarabaghqa ewetilgenlikini xewer qildi.

rusiyede chiqidighan «izwéstiya géziti» (İzvestiya) putinning yéngidin saylanghan amérika pirézidénti jo baydinni resmiy saylam netijiliri élan qilinghandin kéyin tebrikleydighanliqini xewer qildi.



مۇناسىۋەتلىك خەۋەرلەر