07.08.2020

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1468818
07.08.2020

türkiye awazi radiyosi: «nyuzsabah» géziti, birleshken döletler teshkilati (b d t) ning «wuxen wirusi (kowid – 19) sewebidin dunya miqyasida yesli we bashlanghuch mektep yéshidiki 40 milyon balining maariptin mehrum qalghanliqi»ni bildürgenlikini xewer qildi.

qatarda chiqidighan «erraye elqatariyye» géziti, qatar emiri sheyx temim bilen hemed al sanining liwangha sehra doxturxanilirini ewetish toghrisida yolyoruq chüshürgenliki toghrisidiki uchurlarni oqurmenlirining diqqitige sundi.

iyordaniye chiqidighan «eddustur» géziti, «ümidsiz agahlandurush: kütülüwatqan waksina kowid – 19 mesilisini hel qilalmasliqi mumkin» serlewhiside xewer analizi élan qildi.

ispaniyening «él pais» géziti, ispaniye bask rayoni yerlik hökümitining yuqumning ikkinchi dolqunining bashlinip qélishidin endishe qiliwatqanliqini yazdi.

ispaniyening «él mundo» géziti, madridning 28 perqliq rayonidiki éshindi sularda éghir miqdarda kowid – 19 wirusi bayqalghanliqini xewer qildi.

wénézuélada chiqidighan «él nasional» géziti, kolombiye pirézidénti iwan dukning herqandaq sharaitta wénézuéla pirézidénti nikolas maduro bilen körüshmeydighanliqini bildürgenlikini oqurmenliri bilen ortaqlashti.

gérmaniyening «shpiégél.dé» tori, gérmaniyening liwangha qutquzush itliri we 15 tonna lazimetlik yollighanliqini xewer qildi.

gérmaniyening «dpa» géziti, gérmaniyelik bir ayal diplomatning béyruttiki partlashta qaza qilghanliqini yazdi.

gérmaniyening «mérkur.dé» tori, gérmaniye sehiye ministiri yéns spanning «xewplik rayonlardin kelgen yoluchilarni mejburiy yusunda kowid – 19 tekshürüshidin ötküzüsh tüzümi shenbe künidin tartip ijra qilinidu» dégenlikini oqurmenliri bilen ortaqlashti.

firansiyening «lé mondé» géziti, béyruttiki qosh partlashtin kéyin firansiye pirézidénti émanuél makronning liwanliq emeldarlarni «mahiyetlik özgirish» ke qedem qoyushqa chaqirghanliqini yazdi.

bélgiyening «lé soir» géziti, birleshme xanliqning bélgiyedin kelgen yoluchilarni karantin qilidighanliqini xewer qildi.

rusiyening «rossiyskaya» géziti, rusiye mudapie ministirliqining yadro bombardimanining shertlirini élan qilghanliqini oqurmenliri bilen ortaqlashti.

yene rusiyening «intérfaks» xewer agéntliqi, ukrainaning bélarusiyege chégralirigha jenubiy fironttin militaristlarning soqunup kirgenliki toghrisida melumat bergenlikini xewer qildi.



مۇناسىۋەتلىك خەۋەرلەر