06.08.2020

bügünki chet el metbuatliridin tallap teyyarlighan qisqiche xewerlirimiz töwendikiche:

1468238
06.08.2020

gérmaniyening «Welt.de» xewerler tori,  shimaliy réyin-wéstfaliye ishtati qatnash ministiri héndirik wustning ammiwi qatnash wastilirida maska taqimighan yoluchilargha (kowad-19 yuqumigha qarshi küresh tedbirler dairiside) 150 yawro jerimane qoyulidighanliqini élan qildi.

«Deutsche Welle» » xewerler tori,  «gérmaniyening yawropa ishlirigha mesul dölet ministiri rot türkiye bilen diyalogni dawamlashturush kéreklikini éytti» serlewhilik xewer élan qildi.

«zeit.de» xewerler tori, xelqara kechürüm teshkilatining amérikadiki saqchilarning zorawanliqini tenqid qilghanliqini xewer qildi.

engiliyede erebche chiqidighan «el quddus el erebi» géziti, (tunis parlaménti bashliqi we en-nahda herikitining rehbiri) rashid el gennushining «tunistiki démokratiye we erkinlik bir qisim ereb döletlirini endishige salidu» dégenlikini xewer qildi.

qatarning «eljezire téléwiziye qanili», liwangha yardemlerning qiwatqanliqini, liwan hökümiti ölgüchilerning aile-tawabiatlirigha tölem töleshni qarar qilghanliqini we (ammoniy nitratni ambarlashturushqa) mesul kishilerning adrésidin ayrilmasliqini buyrighanliqini xewer qildi.

qatarda chiqidighan «el raye el qatariyye» géziti,  qatarning (béyruttiki partlash sewebidin) liwan bilen qoyuq hemkarliq ichide ikenlikini xewer qildi.

ispaniyede chiqidighan «El Mundo» géziti,  (ispaniye bash ministirliq sariyi) monkloaning  (sabiq ispaniye padishahi) 1 -juan karlosning ispanyedin chiqip kétishining birleshme hökümette ittipaqning buzulishigha seweb bolghanliqini étirap qilghanliqini xewer qildi.

ispaniyede chiqidighan «El Pais» géziti,  démokratik merkizi partiyesi kolumbiyening sabiq prézidénti (we partiye rehbiri) alwaro urébning tajisiman wirus tekshürishidin ötelmigenlikini xewer qildi.

argéntinada chiqidighan «infoba» géziti, engliye, latin amérika we karib déngizi  döletlrining kowid -19 krizisini muzakirilishish shundaqla xelqaraliq we rayon xaraktérliq hemkarliq chaqiriqi élan qilghanliqini xewer qildi.

«Le Parisien» géziti, «ammoniy nitratning firansiyede saqlinishi: béyruttiki partlash bilen endishe qozghidi» serlewhilik xewer élan qildi.

«lé mondé» géziti, «béyrutta qosh partilash: (firansiye prézidénti) émmanuél makronning bügün (liwangha bérishi) mölcherlenmekte. xelqaraliq yardem teyyarliniwatidu» serlewhilik xewer élan qildi.

bélgiyede chiqidighan «lé soér» géziti,  biryussél awiatsiye shirkitining bu yilning aldinqi 6 éyida (182 milyon yawro) ziyan tartqanliqini xewer qildi.

«Lenta.ru» géziti, dunya miqyasida bashlanghan tajisiman wirus waksina riqabitide, rusiyening aldinqi orunda ikenlikini emma yawropaning waksinaning bixeterliki we ünümini talash - tartish qiliwatqanliqini xewer qildi.

«ria nowosti» géziti, rusiye béyrutta turushluq konsulxanisining béyrut doxturxaniliridiki ehwallar heqqide melumat bergenlikini, qarimaqqa yadro partilashqa oxshap kétidighanliqi, minglighan kishi yarilinip, doxturxanilarningmu ziyangha uchrighanliqi we hiddidin ziyade bémarlar bilen tolup ketkenlikini xewer qildi.

«TASS» agéntliqi, türkiye sehiye ministirliqining «döletning sayahet rayonlirida wirus bilen yuqumlanghuchilar köpiyiwatidu» dégen mish mish geplerni ret qilghanliqini xewer qildi.



مۇناسىۋەتلىك خەۋەرلەر