05.08.2020

bügünki chet el metbuatliridin tallap teyyarlighan qisqiche xewerlirimiz töwendikiche:

1467449
05.08.2020

gérmaniyening «a r d.dé» (ard.de) tori, gérmaniyening türkiyege qaritilghan sayahet agahlandurushini töt wilayet üchün emeldin qaldurghanliqini xewer qildi.

gérmaniyening «z d f.dé» (zdf.de) tori, gérmaniyening shimaliy rén wéstfalya ishtatida mekteplerde mejburiy maska taqash belgilimisining yolgha qoyulidighanliqini xewer qildi.

gérmaniye awazi radiyosi, gérmaniye méditsina birleshmisi bashliqining gérmaniyede wuxen wirusi (Kovid-19) ning ikkinchi dolqunining bashlanghanliqini éytqanliqini xewer qildi.

engliye paytexti londonda erebche chiqidighan «el quddus elerebi géziti», isirailiyening béyrutta yüz bergen partlash bilen munasiwitining yoqluqini bildürgenlikini xewer qildi.

qatarda chiqidighan «elraya elqatariyya géziti», béyrutning apet rayoni élan qilinghanliqini xewer qildi

wénézuélada chiqidighan «télésur géziti» (TeleSur), liwan pirézidénti mishél awn (Mişel Avn) ning béyruttiki partlashta jénidin ayrilghanlar üchün dölette matem élan qilghanliqini xewer qildi.

bélgiyede chiqidighan «löswa géziti»  (Le Soir), bélgiye elchixanisining béyruttiki partlashta ziyangha uchrighanliqini we bélgiye tashqi ishlar ministiri filip gofin (Philippe Goffin) ning liwangha yardem qilishni teklip qilghanliqini xewer qildi.

firansiyede chiqidighan «lé parisiyin géziti» (Le Parisien), pat yéqinda parizhda sirtta maska taqash belgilimisining mejburiy yolgha qoyulidighanliqini xewer qildi.

rusiyening «tas» (TASS) agéntliqi, türkiye jumhur reisi rejep tayyip erdoghanning liwan pirézidénti mishél awn bilen téléfonda körüshüp, béyrutta yüz bergen partlash munasiwiti bilen liwan xelqige sewr tiligenlikini we türkiyening sehiye saheside zörür insanperwerlik yardemlirini qilishqa teyyar ikenlikini éytqanliqini xewer qildi.

rusiyening «riya nowosti agéntliqi» (Ria Novosti), rusiye merkizi saylam komitétining bélarusiyede ötküzülidighan pirézidéntliq saylimigha közetküchilerni ewetishni qarar qilghanliqini xewer qildi.

rusiyede chiqidighan «izwéstiya géziti» (İzvestiya ), hökümetining chet elliklerning qisqa muddetlik soda üchün rusiyege kélishige munasiwetlik cheklimilerni emeldin qaldurghanliqini xewer qildi.


خەتكۈچ: #tas , #TeleSur

مۇناسىۋەتلىك خەۋەرلەر