04.08.2020

bügünki chet el metbuatliridin tallap teyyarlighan qisqiche xewerlirimiz töwendikiche:

1466770
04.08.2020

türkiye awazi radiyosi: qatarda chiqidighan «elraya elqatariyya géziti», liwan tashqi ishlar ministiri nasif hattining xizmitidin istépa bergenlikini xewer qildi.

ereb birleshme xelipilikide chiqidighan «el imrat el yaum géziti», iranda her yette minutta bir kishining wuxen wirusi (Kovid-19) sewebidin jénidin ayriliwatqanliqini xewer qildi.

gérmaniye awazi radiyosi yawropa qoral-yaragh sanaitide amérikagha bolghan tayinishchanliqini azaytiwatqanliqini xewer qildi.

gérmaniyening «zéyit onlayn» (Zeit Online) tori gérmaniyede wuxen wirusining ikkinchi dolquni endishesige munasiwetlik munazire dawamlishiwatqan bir waqitta, mektepler échilghan méklénburg-worpommérn (Mecklenburg-Vorpommern) ishtatigha diqqetning merkezleshkenlikini xewer qildi.

gérmaniyening «shpiygél.dé» tori (Spiegel.de),isirailiye armiyesining süriyening jenubini bombardiman qilghanliqini xewer qildi.

ispaniyede chiqidighan «él pais géziti» (El País), ispaniyening sabiq padishahi 1-xuen karlos (Juan Carlos) ning ispaniyedin ayrilidighanliqini xewer qildi.

argéntinada chiqidighan «infobiye géziti» (Infobae), rusiyening latin amérikadiki yette döletke wuxen wirusigha qarshi dora béridighanliqini élan qildi.

wénézuélada chiqidighan «télésur géziti» (Telesur), 2020-yili iyun éyida chili iqtisadining %12 töwenligenlikini xewer qildi.

firansiyede chiqidighan «lé parisiyin géziti» (Le Parisien), firansiye bash minstiri zhan kastéks (JeanCastex) ning karantin tedbirlirini qaytidin yolgha qoyushning aldini élish üchün, puqralarni belgilimilerge riaye qilishtin bash tartmasliqqa chaqirghanliqini xewer qildi.

«-24frans» qanili, wuxen wirusi sewebidin firansiye hawa yolliri shirkiti (Air France) uchquchilirining maashining 2020-yili aprél éyidin bashlap zor miqdarda töwenligenlikini xewer qildi.

rusiyede chiqidighan «izwéstiya géziti» (İzvestiya ), bélarusiye pirézidénti aléksandr lukashénko (Aleksandr Lukaşenko) ning asasiy qanun référandumi ötküzüshni teklip qilghanliqini xewer qildi.

rusiyening «gazete.ru» (Gazeta.ru) tori, kompiyutér xakkérlirining rusiyede ötküzülgen éléktronluq saylamda saylighuchilarning xususiy uchurlirini satidighanliqini xewer qildi.

rusiyening «lénta.ru» tori (Lenta.ru), moskwaning jenubiy qibris rum hakimiyiti bilen özara baj almasliq kélishimidin chiqidighanliqini xewer qildi.


خەتكۈچ: #él pais , #shpiygél

مۇناسىۋەتلىك خەۋەرلەر