09.07.2020

bügünki chet el metbuatliridin tallap teyyarlighan qisqiche xewerlirimiz töwendikiche:

1451965
09.07.2020

«zdf.de» torida, gérmaniye bash ministiri angéla mérkélning bélgiyening paytexti biryussélda qilghan sözide, wirus krizisigha nisbeten yawropa döletlirining birlik we barawerlik ichide heriket qilishi kéreklikini tekitligenliki xewer qilindi.

gérmaniye awazi radiyosi, korona kirizisining gérmaniye shirketlirining dölet sirtidiki mebleghlirigimu ziyan salghanliqini xewer qildi.

«Welt.de» tori, rusiye bilen xitayning ret qilishi sewebidin b d t ning süriyege ewetilidighan insanperwerlik yardem programmisining mudditini uzartish mumkin bolmighanliqini xewer qildi.

«el quddus el erebi» géziti, türkiye jumhur reislik bayanatchisi ibrahim kalinning liwiye hökümitini 12-ayda imzalanghan herbiy hemkarliq kélishimi dairiside dawamliq qollaydighanliqini qayta tekitligenlikini xewer qildi.

eljezire qanili, israiliyening hamasqa mehbuslarni almashturush toghrisida yéngi bir teklip sunghanliqini xewer qildi.

eljezire qanili, qatar tashqi ishlar ministiri sheyx muhemmed bin abdul raxman elsanining «liwiye krizisini hel qilishning yoli etrapliq urush toxtitishtur» dégenlikini xewer qildi.

iyordaniyede chiqidighan «eddestor» géziti, rosiye prézidénti wiladimir putinning «pelestin mesilisini xelqara qanunluq asasta hel qilish üchün xelqaraliq bir pikir birlikige éhtiyaj bar» dégenlikini xewer qildi.

firansiye 24 qanili, fransiyede kowid -19 krizisi sewebidin ishtin boshitish nisbiti bulturqigha sélishturghanda 2 hesse ashqanliqini xewer qildi.

lé mondé géziti,  nokiya shirkitining fransiyede 1223 kishini ishtin boshitishni pilanlighanliqini we fransiye hökümitining bolsa, bu pilangha qarita «jemiyetke nisbeten qobul qilghili bolmaydighan pilan» dep baha bergenlikini xewer qildi.

lé parisén géziti, fransiyediki yunde süyide kowid-19 alametliri bayqalghandin kéyin, tibbiy akadémiyesining yunde süyini «sistémiliq» tekshürüshni tewsiye qilghanliqini xewer qildi.

ispaniyede chiqidighan «El Pais» géziti, ispaniyening ballér sayahet arillirida ariliq saqlash qaidisi bolsimu, maska taqash yolgha qoyilidighanliqini xewer qildi.

wénézuélada chiqidighan «El Nacional» géziti,  kowid -19 mezgilide amérikaning néfit zapisining töwenlishi sewebidin, wénézuélada néfit bahasining örlep ketkenlikini xewer qildi.

ispaniyede chiqidighan «El Mundo» géziti, hökümet shériki «Unidas Podemos» partiyesining ispaniyediki 600 ming gheyriy resmiy köchmenlerge puqraliq bérilishi heqqide teklip sunghanliqini xewer qildi.

«Gazetem.ru» xewerler tori, b d t xewpsizlik kéngishining rusiyening süriye qanun layihisini ret qilghanliqini xewer qildi.

«TASS» xewer agéntliqi, rusiyening amérikada turushluq bash elchisi antonowning: «amérika ochuq séma shertnamisidin chékinip chiqqanliqi sewebidin rosiye zörür bolghan qedemlerni tashlaydu» dégenlikini xewer qildi.

«RBC» xewerler tori, rusiye alem qatnishi idarisi bashliqi dimitriy rogozinning meslihetchisi shundaqla sabiq zhurnalist iwan safronowning «wetenge xiyanet qilish» jinayiti bilen qolgha élinghanliqini xewer qildi.



مۇناسىۋەتلىك خەۋەرلەر