08.07.2020

töwende bügünki chet el metbuatliridin tallap teyyarlighan qisqiche xewerlirimiz töwendikiche:

1451263
08.07.2020

türkiye awazi radiyosi: gérmaniye awazi radiyosi,  adalet we tereqqiyat partiyesi tekirtagh parlamént ezasi mustafa shentopning türkiye büyük millet mejlisi (parlaménti) de ötküzülgen awaz tashlashta 328 awazgha ériship, parlamént bashliqi bolup saylanghanliqini xewer qildi.

gérmaniyening «a r d.dé» (ard.de) xewerler tori, amérikaning dunya sehiye teshkilatidin resmiy chékingenlikini xewer qildi.

gérmaniyening «stérn.dé» (Stern.de) tori amérika pirézidénti trampni qollash nisbitining aziyiwatqanliqini xewer qildi.

qatarda chiqidighan «elraya elqatariyya géziti», b d t ning süriyediki normal hayatning dawamlishishining türkiyedin baridighan yardemlerge baghliq ikenlikini bildürgenlikini xewer qildi.

ummanda chiqidighan «weten géziti», iraqning istratégiye mutexessisi hisham el hashimigha süyiqest qilghanlarning pishini qoyup bermeydighanliqini élan qilghanliqini xewer qildi.

ispaniyede chiqidighan «él pais géziti» (El País), hökümetning sanatoriyelerdiki ölüm sanini 27 ming 359 dewatqanliqini, biraq nurghun sheherdiki ölüm sanining toghra ikenlikige ishench qilalmighanliqi üchün jemiyetke élan qilmighanliqini xewer qildi.

ispaniyede chiqidighan «él mundo géziti» (El Mundo), oqutquchilarning kataloniye uniwérstétigha kirish imtihanida qilinghan «ayrimichiliq» ni eyibligenlikini xewer qildi. chünki imtihangha ispanchidin qatnashmaqchi bolghanlar «ispanchidin imtihan bérimen» déyishke mejbur bolghan.

«24-frans» qanili firansiyede yéngi qurulghan hökümetning tunji ministirlar kéngishi yighinining échilghanliqini xewer qildi.

firansiyede chiqidighan «lé mondé géziti» (Le Monde), biraziliye pirézidénti bolsonaroning wuxen wirusi (Covid-19 ) bilen yuqumlanghanliqini xewer qildi.

firansiyede chiqidighan «lé figaro géziti» (Le Figaro), amérikaning dunya sehiye teshkilatidin resmiy chékingenlikini xewer qildi.

«r b k»  (RBK) xewerler tori, xitayning rusiye bilen amérika otturisidiki istratégiyelik qorallarni azaytish söhbitige, amérika yadro qorallirini xitayning sewiyesige chüshürse qatnishidighanliqini élan qilghanliqini xewer qildi.

rusiyening «lénta.ru» tori (Lenta.ru),  roskosmos (rusiye döletlik alem ishliri idarisi) ning meslihetchisi iwan safarow (İvan Safronov) ning chéxiyege jasusluq qiilsh eyiblinip tutulghanliqini xewer qildi.

rusiyening «tas» (TASS) agéntliqi, rusiye bilen xitayning b d t xewpsizlik kéngishige gérmaniye bilen bélgiye teripidin sunulghan «süriyege insanperwerlik yardemlirining tosalghusiz yetküzülüshi» dégen témidiki layiheni ret qilghanliqini xewer qildi.



مۇناسىۋەتلىك خەۋەرلەر