07.07.2020

bügünki chet el metbuatliridin tallap teyyarlighan qisqiche xewerlirimiztöwendikiche:

1450461
07.07.2020

türkiye awazi radiyosi: engliye paytexti londonda erebche chiqidighan «elquddus elerebi géziti», engliye bash weziri boris jonsonning isirailiye bash ministiri nétanyahu bilen téléfonda körüshkende, isirailiyening ishghali astidiki iyordan deryasining gherbiy qirghiqidiki bezi jaylarni özige qoshuwélish pilanliridin endishe qiliwatqanliqini éytqanliqini xewer qildi.

eljezire téléwiziyesi, nahda su ambiri toghrisida asasliq ixtilapliq témilar dawamlishiwatqan bir peytte, misir bilen éfiyopiye otturisida yéngi muzakirelerning bashlanghanliqini xewer qildi.

qatarda chiqidighan «elraya el qatariyya géziti» ereb-xitay hemkarliqining ortaq menpeetlerge tayinidighanliqini xewer qildi.

ispaniyede chiqidighan «la wanguardiya géziti» (La Vanguardia), méksika pirézidénti andrés manuél lopéz obrador (Andrés Manuel López Obrador) ning bügün (2020-yili 7-iyul) ki amérika ziyaritide, pirézidént tramp bilen ikki yighin ötküzidighanliqini xewer qildi.

argéntinada chiqidighan «infobiye géziti» (Infobae), biraziliye pirézidénti bolsonaroda bezi salametlik alametliri körülgenliki üchün, wuxen wirusi gumani bilen diagnoz qoyulghanliqini xewer qildi.

gérmaniye awazi radiyosi, gérmaniye sayahetchilikining mesuli tomas baréya (Thomas Bareiá) ning wuxen wirusi (Kovid-19) sewebidin türkiyege qarita chiqirilghan sayahet agahlandurushini qisqa waqit ichide emeldin qaldurushtin bésharet bergenlikini xewer qildi.

gérmaniyening «tagésshaw.dé» tori (Tagesschau.de), gérmaniyening dölet ichidiki amérika herbiy qisimliri üchün 10 yilda 1 milyard yawro chiqim qilghanliqini élan qildi.

firansiyede chiqidighan «lé parsiyén géziti» (Le Parisien), firansiye sotsiyalist partiyesining birinchi katipi oliwir faw (Olivier Faure) ning, hökümetning yéngi kabéntini tenqid qilghanliqini xewer qildi.

rusiyening «lénta.ru» (Lenta.ru) xewerler tori, rusiye muawin tashqi ishlar ministiri sérgéy ryabkowning, rusiyening amérikagha nisbeten kélishim tüzidighan terep bolush süpitide ishenchini yoqitip qoyghanliqini éytqanliqini xewer qildi.

rusiyede chiqidighan «izwéstiya géziti» (İzvestiya), rusiyediki shirketlerning yérimining dégüdek échilishqa bashlighanliqini élan qildi.

rusiye «tas» (TASS) agéntliqi, rusiye fédératsiye ministirlar kéngishining, rusiye elchilirining qosh dölet puqrasi bolushini chekleydighan qanun layihesini qollighanliqini xewer qildi.  



مۇناسىۋەتلىك خەۋەرلەر