03.07.2020

türkiye awazi radiyosi: firansiyening «lé mondé» géziti, pirézidént émanuél makronning «normallishish qiyingha toxtaydu» dep qaraydighanliqini we pénsiyonirliq islahatini emelge ashurushni xalaydighanliqini ilgiri sürdi.

firansiyening «firans-24» xewerler qanili, firansiyening mustemlike dewride öltürülgen 24 jengchining jeset qalduqlirini aljiriyege qayturup béridighanliqini körürmenliri bilen ortaqlashti.

firansiyening «lé figaro» géziti, firansiye awiyatsiye shirkitining ishchi – xizmetchi sanini qisqartip, qisqa musapilik yük toshush torini taraytidighanliqini yazdi.

iyordaniye chiqidighan «eddustur» géziti, amérika qoshma ishtatliridiki yuqumluq késellikler mutexessisi antony fuchining «korona waksinilirining axirqi sinaq basquchi iyul éyining axirida bashlinidu» dégen sözlirini oqurmenliri bilen ortaqlashti.

qatarda chiqidighan «erraye elqatariyye» géziti, türkiye bilen qatarning liwiye mesilisini siyasiy yol bilen hel qilishni qollash jehettiki pikrining oxshashliqini yazdi.

gérmaniyening «suéddéutshé.dé» géziti tori, (türkiye jumhuriyiti) tashqi ishlar ministiri mewlüt chawushoghluning, firansiyening shimaliy atlantik ehdi teshkilati – natogha sherqiy aqdéngiz (sherqiy ottura déngiz) diki soghuqchiliq toghrisida toghra melumat bermigenlikini, bu mesilide parizhning kechürüm sorishi kéreklikini éytqanliqini xewer qildi.

gérmaniye awazi radiyosi (DW), gérmaniye ijtimaiy taratqu qanuni türkiyege ülge bolarmu? dégen témida analiz élan qildi.

gérmaniyening «zéit.dé» tori, gérmaniye tashqi ishlar ministiri maasning «korona sewebidin türkiyege barmasliqni tewsiye qilghan sayahet agahlandurushni közdin kechürimiz» dégen sözliri oqurmenliri bilen ortaqlashti.

ispaniyening «la wanguardia» géziti, (kataloniye aptonom rayonining sabiq lidéri karlés) puigdémontning yéngi partiyesining 25 – iyulda qurulushini resmiy jakarlighanliqini yazdi.

argéntinada chiqidighan «infobaé» géziti, latin amérikasi döletliri iqtisad komitéti, latin amérikada 2 milyon 700 mingdin artuq shirketning taqilip kétish éhtimali barliqi toghrisida alaqidar tereplerni agahlandurghanliqini xewer qildi.

wénézuélada chiqidighan «télésur» géziti, bir tetqiqat netijisining, biraziliyede 2019 – yilidin buyan kowid – 19 ning barliqini otturigha qoyghanliqi toghrisidiki uchurlarni oqurmenlirining diqqitige sundi.

rusiyening «gazeta.ru» tori, rusiye tashqi ishlar ministirliqi bayanatchisi mariya zaxarowaning, amérika qoshma ishtatlirini bashqa döletlerning ichki ishlirigha arilashmasliqqa chaqirghanliqini yazdi.

rusiyening «tass» xewer agéntliqi, rusiyening chet döletlerge qatnaydighan ayropilan qatnishini toxtitip qoyush qararini hazirche 1 – awghustqiche uzartqanliqini abonitliri bilen ortaqlashti.

rusiyening «lénta.ru» xewerler tori, rusiyede 25 – iyundin 1 – iyulghiche bolghan jeryanda élip bérilghan «pirézidént wladimir putinning qaytidin pirézidéntliqqa saylinishini öz ichige alghan bir qatar mesililer toghrisidiki asasiy qanungha özgertish kirgüzüsh» ni mezmun qilghan omumiy xelq bélet tashlash paaliyitige qatnashqanlarning %77.92 ining qollap awaz bergenlikini yazdi.