30.06.2020

bügünki chet el metbuatliridin tallap teyyarlighan qisqiche xewerlirimiztöwendikiche:

1446103
30.06.2020

türkiye awazi radiyosi: firansiyede chiqidighan «lé figaro géziti» (Le Figaro),  parizhda iqamiti we héchqandaq ruxsiti bolmighan 70 neper yash köchmenning chédir qurghanliqini  xewer qildi.

bélgiyede chiqidighan «löswa géziti» (Le Soir ), gérmaniye bash ministiri mérkél bilen firansiye pirézidénti makronning yawropada «kemer chingitish siyasiti» ni bashlaydighanliqini xewer qildi.

gérmaniyening «bild.dé» (Bild.de) tori, gérmaniyede héchkimning yuqum qaidelirige riaye qilmaywatqanliqini xewer qildi.

gérmaniye awazi radiyosi, wénézuélaning amérikaning émbargosidin öch élish meqsitide, amérika bash elchisini chégradin qoghlap chiqirishni qarar qilghanliqini xewer qildi.

gérmaniyening «a r d.dé» (ard.de) tori, mérkél xanimning gérmaniye yawropa ittipaqi nöwetchi reis döliti bolushtin ilgiri, firansiye pirézidénti makronni bérlinda kütüwalghanliqini xewer qildi.

eljezire téléwiziyesi seudi erebistanning washingtonning irangha qarshi yürgüzüwatqan émbargoning waqtini uzartishni telep qiliwatqanliqini xewer qildi.

«el quddus elerebi géziti», iran hökümitining inqilabiy muhapizetchiler qismining qomandani qasim sulaymanining öltürülüshige munasiwetlik amérika pirézidénti donald trampni tutush buyruqi chiqarghanliqini we xelqara saqchi teshkilatidin yardem telep qilghanliqini élan qildi.

qatarda chiqidighan «elraya elqatariyya géziti», bügün (2020-yili 30-iyun) biryussélda süriyening kélechikige munasiwetlik konféransning bashlanghanliqini xewer qildi.

ispaniyede chiqidighan «laguardiya géziti» (La Vanguardia), yawropa ittipaqining 2020-yili 1-iyuldin bashlap 15 döletke chégralirini échiwétidighanliqini, amérika, rusiye we biraziliyening buning sirtida ikenlikini xewer qildi.

argéntinada chiqidighan «infobiya géziti» (Infobae), wénézuéla pirézidénti nikolas maduroning yawropa ittipaqining émbargo qararidin kéyin, karakastiki yawropa ittipaqi wekilini chégradin qoghlap chiqarghanliqini élan qildi.

rusiyening «riya nowosti agéntliqi» (RİA Novosti), rusiye fédératsiye bixeterlik idarisining wladikawkaz (Vladikavkaz ) diki térrorluq hujumining aldini alghanliqini xewer qildi.

rusiyening «tas agéntliqi» (TASS),rusiye tashqi ishlar ministirliqining amérikaning yadro sinaqlirini qaytidin bashlashning aldini achqanliqini élan qilghanliqini xewer qildi.

«tas agéntliqi» yene, amérikaning rusiyege qarita yürgüzüwatqan éksport cheklimisini téximu chingitqanliqini xewer qildi.


خەتكۈچ: #eljezire , #lé figaro

مۇناسىۋەتلىك خەۋەرلەر