30.06.2020

бүгүнки чәт әл мәтбуатлиридин таллап тәййарлиған қисқичә хәвәрлиримизтөвәндикичә:

1446103
30.06.2020

түркийә авази радийоси: фирансийәдә чиқидиған «ле фигаро гезити» (Le Figaro),  парижда иқамити вә һечқандақ рухсити болмиған 70 нәпәр йаш көчмәнниң чедир қурғанлиқини  хәвәр қилди.

белгийәдә чиқидиған «лөсва гезити» (Le Soir ), германийә баш министири меркел билән фирансийә пирезиденти макронниң йавропада «кәмәр чиңитиш сийасити» ни башлайдиғанлиқини хәвәр қилди.

германийәниң «билд.де» (Bild.de) тори, германийәдә һечкимниң йуқум қаидәлиригә риайә қилмайватқанлиқини хәвәр қилди.

германийә авази радийоси, венезуеланиң американиң ембаргосидин өч елиш мәқситидә, америка баш әлчисини чеградин қоғлап чиқиришни қарар қилғанлиқини хәвәр қилди.

германийәниң «а р д.де» (ard.de) тори, меркел ханимниң германийә йавропа иттипақи нөвәтчи рәис дөлити болуштин илгири, фирансийә пирезиденти макронни берлинда күтүвалғанлиқини хәвәр қилди.

әлҗәзирә телевизийәси сәуди әрәбистанниң вашингтонниң иранға қарши йүргүзүватқан ембаргониң вақтини узартишни тәләп қиливатқанлиқини хәвәр қилди.

«әл қуддус әләрәби гезити», иран һөкүмитиниң инқилабий муһапизәтчиләр қисминиң қомандани қасим сулайманиниң өлтүрүлүшигә мунасивәтлик америка пирезиденти доналд трампни тутуш буйруқи чиқарғанлиқини вә хәлқара сақчи тәшкилатидин йардәм тәләп қилғанлиқини елан қилди.

қатарда чиқидиған «әлрайа әлқатариййа гезити», бүгүн (2020-йили 30-ийун) бирйусселда сүрийәниң келәчикигә мунасивәтлик конферансниң башланғанлиқини хәвәр қилди.

испанийәдә чиқидиған «лагуардийа гезити» (La Vanguardia), йавропа иттипақиниң 2020-йили 1-ийулдин башлап 15 дөләткә чегралирини ечиветидиғанлиқини, америка, русийә вә биразилийәниң буниң сиртида икәнликини хәвәр қилди.

аргентинада чиқидиған «инфобийа гезити» (Infobae), венезуела пирезиденти николас мадурониң йавропа иттипақиниң ембарго қараридин кейин, каракастики йавропа иттипақи вәкилини чеградин қоғлап чиқарғанлиқини елан қилди.

русийәниң «рийа новости агентлиқи» (RİA Novosti), русийә федератсийә бихәтәрлик идарисиниң владикавказ (Vladikavkaz ) дики террорлуқ һуҗуминиң алдини алғанлиқини хәвәр қилди.

русийәниң «тас агентлиқи» (TASS),русийә ташқи ишлар министирлиқиниң американиң йадро синақлирини қайтидин башлашниң алдини ачқанлиқини елан қилғанлиқини хәвәр қилди.

«тас агентлиқи» йәнә, американиң русийәгә қарита йүргүзүватқан експорт чәклимисини техиму чиңитқанлиқини хәвәр қилди.



مۇناسىۋەتلىك خەۋەرلەر