19.06.2020

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1439181
19.06.2020

türkiye awazi radiyosi: londonda erebche neshr qilinidighan «elquddus elerebi» géziti, yawropa parlaméntining behreyn padishahi hemed bin isa elxelifeni wuxen wirusining tarqilishini nezerde tutup siyasiy mehbuslarni qoyup bérishke chaqirghanliqi toghrisidiki uchurlarni oqurmenlirining diqqitige sundi.

«eljezire» qanili, firansiye pirézidénti émanuél makron bilen engliye bash weziri  boris jonsonning liwiye mesilisi toghrisida bes – munazire qiliwatqanliqini, yene bir tereptin (türkiye jumhuriyiti) tashqi ishlar ministiri mewlüt chawushoghluning, sherqtiki qoralliq küchlerning lidiri xelife hafterning rolining axirlashqanliqini eskertip, ereb birleshme xelipilikining «pite térish istratégiyesi» bilen shughulliniwatqanliqini éytqanliqini xewer qildi.

qatarda chiqidighan «erraye elqatariyye» géziti, 158 neper yehudiy köchmenning tünügün israiliye ishghalchi saqchilirining muhapiziti astida eleqsa jamesining hoylisigha bésip kirgenlikini, pelestin islam wexpiliri ministirliqining, köchmenlerning küshkürtküchi shekilde aylinip yürgendin kéyin jamening hoylisidin chiqip ketkenlikini uqturghanliqini oqurmenliri bilen ortaqlashti.

shiwéytsariyening «lé témps» géziti, kolombiyede görüge éliwélinghan bir shiwéytsariyelikning (kolombiye) armiyesi teripidin qutquzuwélinghanliqigha dair uchurlargha orun berdi.

firansiyening «lé mondé» géziti, marakesh elqaidesi teshkilatining, teshkilat rehbiri abdulmelik druqdalning ölgenlikini jezmleshtürgenlikini xewer qildi.

firansiyening «lé parisién» géziti, dunya sehiye teshkilatining 2021 – yilidin burun milyonlarche wuxen wirusi waksinisining (teyyar) bolushini ümid qiliwatqanliqini bildürgenlikini yazdi.

ispaniyening «él pais» géziti, (ispaniye bash ministiri pédro) sanchézning, sayahet sahesige 4 milyard 250 milyon yawro yardem bérish pilanini élan qilghanliqini xewer qildi.

ispaniyening «él mundo» géziti, amérika kaliforniye ishtatining, paytext sakraméntodiki kristof kolombo we ispaniye melikisi birinchi isabélning heykellirini yiqip tashlash qararini maqullighanliqini yazdi.

wénézuélada chiqidighan «télésur» géziti, wénézuélada wuxen wirusidin yuqumlanghuchilar sanining köpiyip kétishidin kéyin karantin tüzümining chingiitlidighanliqining élan qilinghanliqi toghrisidiki uchurlarni oqurmenlirining diqqitige sundi.

gérmaniyening «shpiégél onlayn» xewerler tori, féysbukning natsist simwolluq (amérika pirézidénti donald) tramp élanini chiqirip tashlighanliqini xewer qildi.

gérmaniye awazi radiyosi (DW), gérmaniyening türkiyedin élinghan kowid – 19 doklatlirini qobul qilidighanliqini yazdi.

gérmaniyening «Süddeutsche Zeitung» géziti, gérmaniye bash ministiri angéla mérkélning, gérmaniyening 1 – iyunda bashlinidighan yawropa ittipaqi kéngishining nöwetchi bashliqliqi mezgilide, wuxen wirusi kirizisi keltürüp chiqarghan aqiwetler bilen muhit we reqemlishish mesililirining aldinqi orungha qoyulidighanliqini élan qilghanliqini xewer qildi.

rusiyening «tass» xewer agéntliqi, washingtondiki rusiye elchixanisining, amérikaliq parlamént ezalirini «rus tehditi» bilen qorqutushqa xatime bérishke chaqirghanliqini yazdi.

rusiyening «ria nowosti» xewer agéntliqi, rusiye armiyesining élip yürüshke bolidighan yéngi ayropilan atar bomba sistémisigha ige bolidighanliqi toghrisidiki uchurlarni oqurmenlirining diqqitige sundi.

rusiyening «izwéstiya» géziti, yawropa komitétining, ukrainagha ijtimaiy küchler bashqurushidiki organlarning tereqqiy qildurulushi üchün 12 yérim milyon yawro pul béridighanliqini xewer qildi.



مۇناسىۋەتلىك خەۋەرلەر