16.06.2020

 türkiye awazi radiyosi: gérmaniyening «shpiygél.dé» tori (Spiegel.de), gérmaniyelik sayahetchilik shirketlirining türkiyeni öz ichige alghan döletlerge qaritilghan sayahet agahlandurushining miyardlarche dollar ziyangha seweb bolghanliqini bildürüp, agahlandurushni emeldin qaldurushni telep qilghanliqini xewer qildi.

gérmaniyede chiqidighan «züddayche zeytung géziti» (Süddeutsche Zeitung ), gérmaniye hökümitining wuxen wirusigha qarshi wakséna tetqiq qiliwatqan «kiyur wak» (CureVac) shirkitige paychék bolghanliqini xewer qildi.

gérmaniye awazi radiyosi, hamasning isirailiyening iyordan deryasining gherbiy qirghiqini qoshuwélish pilanigha qattiq naraziliq bildürgenlikini xewer qildi.

«eljezire qanili», merkizi shiwétsiyege jaylashqan xelqara tinchliq tetqiqatliri inistitutining, isirailiyening 90 yadro oq béshigha ige ikenlikini élan qilghanliqini xewer qildi.

engliye paytexti londonda erebche chiqidighan «el quddus elerebi géziti», kanadada hökümette ishleydighanlarning yaghliq chégishini chekleydighan qanungha qarshi namayish ötküzülgenlikini xewer qildi.

qatarda chiqidighan «elraya elqatariyya géziti», liwiye hökümitining döletni qolgha kirgüzüwalmaqchi bolghan isyanchi hafter ishghal qilghan rayonlardiki kolléktip mazarlarni tekshürüsh toghrisida xelqaradin yardem telep qilghanliqini xewer qildi.

firansiyede chiqidighan «lé mondé géziti» (Le Monde), firansiyede sehiyede xizmetchilirining hökümetke bésim qilip, wuxen wirusi  (Kovid-19 ) kirizisining qehrimanliri bolghan sehiye xaimlirining maashini körünerlik derijide yaxshilashni telep qiliwatqanliqini xewer qildi.

firansiyede chiqidighan «lé figaro géziti» (Le Figaro), pirézidént makronning bügün (16-iyun) wakséna ishlepchiqirishni qollash üchün léondiki «sanofi» (Sanofi)  dora shirkitining zawutlirini ékskursiye qilidighanliqini xewer qildi.

rusiyening «lénta.ru» tori (Lenta.ru),  rusiyening 13 shehiride wuxen wirusi sewebidin zeper küni paaliyetlirining emeldin qaldurulghanliqini xewer qildi.

rusiyede chiqidighan «izwéstiya géziti», rusiye sehiye ministirliqi bilen döletlik tarqilishchan késellikler we mikro biologiye tetqiqat inistitutining, aldimizdiki künlerde wuxen wirusi waksénasining kishilerning bedinide sinaq qilinidighanliqini élan qilghanliqini xewer qildi.