22.05.2020

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

1421873
22.05.2020

türkiye awazi radiyosi: londonda erebche neshr qilinidighan «elquddus elerebi» géziti, dubey soda bashqarmisi wuxen wirusi (kowid – 19) kirizisi yüzisidin emirlik shirketlirining %70 ining alte ay ichide taqilip kétishini texmin qiliwatqanliqini yazdi.

qatarda chiqidighan «erraye elqatariyye» géziti, türkiye hafterni (liwiyediki) menpeetlirige ziyan yetküzmeslik toghrisida agahlandurghanliqini xewer qildi.

«eljezire» qanili, qashiqjining oghullirining atisining qatillirini epu qilghanliqi toghrisidiki uchurlarni oqurmenlirining diqqitige sundi.

gérmaniyening «faz.de» tori, wuxen wirusi mezgilidiki seyle – sayahetke munasiwetlik xewiride, türkiye sayahet ministiri mehmet nuri ersoyning «türkiye tallinidighan döletlerning biri bolidu» dégenlikini yazdi.

gérmaniyening «Bild.de» géziti, liwérpul komandisi diréktori yürgén klopning 25 milyon yawro teklip sunup, türk wartachi ughurjan chelikni yötkep kétishni xalaydighanliqini ilgiri sürdi.

yene gérmaniyening «Focus.de» tori, amérika qoshma ishtatlirining engliye dora ishlepchiqirish guruhigha kowid – 19 waksinisi üchün 1 milyard dollar béridighanliqini xewer qildi.

wénésuélada chiqidighan «télésur» géziti, pirézidént maduroning karantinni yumshitish pilanini otturigha qoyidighanliqini yazdi.

firansiyening «lé mondé» géziti, donald trampning diplomatiyesi netijiside ottura sherqning buningdin kéyin bir siyasiy wirusqa duchar bolush mumkinchiliki barliqini ilgiri sürdi.

firansiyening «lé figaro» géziti, firansiyede ötküzülüshi pilanliniwatqan mehelliy saylamlarning ikkinchi basquchining, saghlamliq weziyiti yar bergen teqdirde, 28 – iyunda ötküzülidighanliqini yazdi.

«lé témps» géziti, iqtisadiy dawalghushqa qarimay, xitayning wuxen wirusi üstidin «ghelibe qilghanliqi»ni tebriklewatqanliqini yazdi.

rusiyening «izwéstia» géziti, rusiyening b d t da turushluq daimiy wekili wasiliy nébénzyaning xewpsizlik kéngishi yighinida ukrainaning qirimni özining xataliqi yüzisidin qoldin chiqirip qoyghanliqii ilgiri sürgenlikini xewer qildi.

rusiyening «ria nowosti» xewer agéntliqi, amérika qoshma ishtatlirining rusiye bilen muhim qoral söhbetlirining ötküzülidighanliqini élan qilghanliqini yazdi.

rusiyening «lénta.ru» xewerler tori, rusiyede wuxen wirusining ikkinchi dolqunining eng baldur dégendimu yazning axirlirida bash kötürüshining mumkinlikini oqurmenliri bilen ortaqlashti.



مۇناسىۋەتلىك خەۋەرلەر