26.03.2020

bügünki chet el metbuatliridin tallap teyyarlighan qisqiche xewerlirimiz töwendikiche:

26.03.2020

 

el qudus el erebi géziti,  wuxen wirusi wehimisining misir, süriye we iraqtiki mehbuslarghiche yétip barghanliqini, pelestinlik mehbuslarning «türmiler qebristanliqqa aylinishtin ilgiri bizni qutuldurunglar!» dep nida qiliwatqanliqini xewer qildi.

el sharq el awsat géziti, ispaniyede wuxen wirusi sewebidin qaza qilghanlar sanining xitaydin éship ketkenlikini xewer qildi.

«t-online.de» tori, bash ministir mérkélning ikkinchi qétimliq wuxen wirusi tekshürishiningmu menpiy chiqqanliqini xewer qildi

«swp.de» tori, robért koch institutining, «gérmaniye hazir wuxen wirusi yuqumluq apitining bashlanghuch nuqtisida» dégenlikini xewer qildi.

«dpa» tori,  türkiyening bashqa döletlerde qapsilip qalghan minglarche oqughuchilirini chet ellerdin memliketke qayturup ketkenlikini xewer qildi.

ispaniyede chiqidighan «El Pais» géziti, (ispaniye bash ministiri pédro) sanchézning öktichilerning shunche qattiq hujumigha qarimastin, agahlandurush mudditini uzartish üchün parlaméntta zor qollashqa érishkenlikini yazdi.

ispaniyede chiqidighan «El Mundo» géziti, sehiye ministirliqi wuxen wirusi kirizisini kontrol qilalmighan bolghachqa, ispaniyediki aptonom rayonluq hökümetlerning 52 milyon maska sétiwalidighanliqini xewer qildi.

argéntinada chiqidighan «Infobae» géziti, argéntinada wuxen wirusi bilen yuqumlanghan 117 yéngi yuqumlanghuchi bayqalghanliqini we jemiy yuqumlanghuchi sanining 502 ge yetkenlikini xewer qildi.

rusiye xewer agéntliqi «RIA Novosti», rusiye dölet  asasiy qanungha tüzitish kirgüzüshke alaqidar 22 – aprélda ötküzülishi pilanlanghan bélet tashlash paaliyitining wuxen wirusi sewebidin kéchiktürülgenlikini xewer qildi.

rusiyening «Lenta.ru» xewerler tori, rusiyening 27 - marttin bashlap barliq döletlerge ayropilan uchushlirini toxtidighanliqini xewer qildi.

rusiyening «TASS» xewer agéntliqi, rosiye uniwérsitétliri oqughuchilirining wuxen wirusning tarqilishining aldini élish üchün 28 - marttin 5 - aprélghiche öyde qalidighanliqini xewer qildi.

«Le Figaro» géziti, fransiyening iraqtin eskerlirini chékindüridighanliqini xewer qildi.

«Le Monde » géziti, fransiyening wuxen wirusi sewebidin «qiyin künler» yétip kélish aldida armiyeni yademchi küch süpitide ishlitidighanliqini xewer qildi.

« France 24 » qanili, g 20 döletliri guruhining wuxen wirusi heqqide jiddiy bashliqlar yighini chaqiridighanliqini xewer qildi.



مۇناسىۋەتلىك خەۋەرلەر