04.03.2020

seudi erebistanda ingiliz tilida chiqidighan «‹eshsherqul ewset› géziti», «seudi erebistanda yéqinqi 24 saet ichide <wuxen wirusi> bilen yuqumlinish ehwali körülmidi» serlewhilik xewirini oqurmenlirining diqqitige sundi.

qatarda chiqidighan «‹errayel qeteriyye› géziti», umman sultanliqida 12 kishining «wuxen wirusi» bilen yuqumlanghanliqini xewer qildi.

seudi erebistanda chiqidighan «‹weten› géziti», yemende mazarlarning iranning qoral - yaragh iskilatlirigha aylinip qalghanliqini yazdi.

gérmaniyening «‹ Welt.de › xewerler tori», «türkiye süriyede beshshar esed küchlirige ait urush ayropilani chüshürdi» serlewhilik xewirini oqurmenliri bilen ortaqlashti.

gérmaniyede chiqidighan«‹ Spiegel.de› zhurnili», munu uchurlarni oqurmenliri bilen ortaqlashti:

amérika qoshma ishtatlirida démokratlar partiyesining pirézidént namzati jo baydin 10 ishtatta ötküzülgen teyyarliq saylamlirida ghelibe qildi. reqibi sandérs bolsa peqet üch ishtattila aldinqi qatarda turmaqta.

gérmaniyening «‹ Deutsche Welle› xewerler tori» ning xewiride mundaq déyildi:

firansiye hökümiti tézlik bilen taqiliwatqan «wuxen wirusi» sewebidin dölettiki köp sandiki maska ambarlirini musadire qildi.

xewerde déyilishiche, firansiye we gérmaniyediki doxturxanilardin maska oghrilap kétish weqesi körülgen.

rusiyening «‹ Lenta.ru › xewerler tori», rusiyede 6 kishining «wuxen wirusi» bilen yuqumlanghanliqini yazdi.

rusiyening «‹ GAZETEM.RU  › xewerler tori », rusiye pirézidénti wiladimir putinning axbarat wasitiliri bayanatchisi dmitri péskowning, «kirémil sariyi idlibta rusiye bilen türkiye otturisida toqunush xewpini azaytishni ümid qilidu» dégen sözlirini neqil keltürdi.

rusiyening «‹ RUSSİAN.RT  › xewerler tori », rus wélisipitchilarning ereb birleshme xelipilikide nazaret astigha élinghanliqini, ikki rus tenterbiyechide «wuxen wirusi» alametlirining körülgenlikini oqurmenliri bilen ortaqlashti.

firansiyede chiqidighan «‹ Le Figaro  › géziti», «firansiyede <wuxen wirusi> sewebidin hayatidin ayrilghanlarning sani 4 ke, yuqumlanghanlarning sani bolsa 212 ge yetti» serlewhilik xewirini oqurmenliri bilen ortaqlashti.

firansiyede chiqidighan «lé mondé géziti» (Le Monde), firansiyede «wuxen wirusi» xewpige qarshi seperwerlik élan qilinghanliqini yazdi.

bélgiyede chiqidighan «‹ Le Soir › géziti», firansiye parlaméntida pinsiyunérliq islahati qararnamisining tunji olturushtila qobul qilinghanliqini xewer qildi.

ispaniyede chiqidighan «‹ El País › géziti», hökümetning «wuxen wirusi» sewebidin ziyan tartqan shirketlerni qaytidin janlandurush üchün birqatar tedbirlerni qollinishqa teyyarliniwatqanliqini oqurmenliri bilen ortaqlashti.

ispaniyede chiqidighan «<elmundo> géziti» (El Mundo), munu uchurlarni oqurmenliri bilen ortaqlashti:

elsalwador pirézidénti nayib bukélé, 28 yashliq bir esker guruh ezaliri teripidin öltürülgendin kéyin,  tutqun halitidiki guruh ezalirining «quyash nurinimu körmesliki» toghruluq chüshürdi.

wénézuélaning «‹ Telesur› téléwiziye qanili», boliwiyening sabiq pirézidénti éwo moralésning, «boliwiye xelqini qaytidin shan – sherepke ige qilimiz» dégen sözlirini neqil keltürdi.