24.02.2020

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

1365352
24.02.2020

türkiye awazi radiyosi: gérmaniyening «zdf.dé» xewerler tori, gérmaniyening hamburg ölkilik parlamént saylamlirida sotsiyal démokratlar partiyesining ghelibe qilghanliqi toghrisidiki uchurlarni oqurmenliri bilen ortaqlashti.  

gérmaniye awazi (DW) radiyosi, wedenik karniwali (bayrimi) ning wuxen wirusi tüpeyli emeldin qaldurulghanliqini xewer qildi.

yene gérmaniyening «ard.de» géziti, amérika qoshma ishtatlirida démokratik qanatning pirézidént namzat namzati bérnié sandérsning néwadadiki teyyarliq saylamlirida ghelibe qilghanliqini yazdi.

qatarda chiqidighan «erraye elqatariyye» géziti, qatar emiri al sanining iyordaniyede ziyarette bolidighanliqini xewer qildi.

seudi erebistanda inglizche neshr qilinidighan «eshsherq elewsat» géziti, xitaydin qalsila wuxen wirusidin yuqumlinip adem ölüsh jehette ikkinchi orunda turidighan iranda, bu wirustin yuqumlinip ölgenler sanining 8 ge yetkenlikini yazdi.

ummanning «weten» géziti, umman sehiye ministirliqining, «karantina misir, liwan we ereb birleshme xelipilikidin kelgenlerni öz ichige almaydu» dep uqturush tarqatqanliqi toghrisidiki uchurlarni xewer qildi.

firansiyede chiqidighan «lé figaro» géziti, firansiyening yüz bergüsi wuxen wirusi yuqumigha taqabil turushqa teyyarliniwatqanliqini yazdi.

firansiyening «frans-24» xewerler qanili, haytida saqchilar bilen eskerler arisida toqunush yüz bérip, adem ölüsh ehwalining körülgenlikini xewer qildi.

firansiyede chiqidighan «Libération» géziti, italiyede 132 ademde wuxen wirusi yuqumining bayqalghanliqini, köpligen sheherlerning karantinagha élinghanliqi toghrisidiki uchurlarni oqurmenliri bilen ortaqlashti.

ispaniyening «él paés» géziti, biryussélning, wuxen wirusi sewebidin yawropa ichidiki chégralarning taqilip qélishidin endishe qiliwatqanliqini yazdi.

ispaniyening «él mundo» géziti, tuman we shamalning kanarya aralliridiki ot apitini öchürüsh xizmetlirige tosalghu boluwatqanliqini, awiyatsiye qatnishini palech halgha chüshürüp qoyghanliqini, 12 ming ademning qapsilip qalghanliqini xewer qildi.

wénézuélada chiqidighan «télésur» géziti, chilida yolgha qoyulghan herxil bixeterlik tedbirlirige qarimay, namayishchilarning pirézidént sébastian pinérani yaqturmaydighanliqini herxil usullardiki namayish arqiliq ipadiligenlikini yazdi.

rusche tarqitish béridighan «Gazetem.ru» namliq xewerler tori, krémil bayanatchisi dimitriy péskowning «rusiye – türkiye munasiwetliride selbiy sénariyelerni yézip olturushning hajiti yoq» dégenlikini xewer qildi.

rusiyening «lénta.ru» xewerler tori, amérika qoshma ishtatliri pirézidénti donald trampning rusiye bilen ukrainaning yariship qélishini ümid qilidighanliqini éytqanliqini yazdi.

rusiyening «bügünki rusiye» xewerler tori, amérikaning, urush paraxotining qaradéngizda xewpsizlikni nezerde tutup turuwatqanliqini élan qilghanliqi toghrisidiki uchurlarni oqurmenliri bilen ortaqlashti.


خەتكۈچ: uyghur , chet el , metbuat , türkiye

مۇناسىۋەتلىك خەۋەرلەر