21.02.2020

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

1363676
21.02.2020

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, bérlin yighinida liwiyede üzül – késil urush toxtitish toghrisida chaqiriq élan qilinghanliqini yazdi.

behreyinde chiqidighan «eleyyam» géziti, amérika tashqi ishlar ministiri mayk pompéyoning riyadta padishah selman bin abdulezir teripidin qobul qilinghanliqini xewer qildi.

qatarda chiqidighan «erraye elqatariyye» géziti, enqerening liwiyediki toqunushlargha xatime bérish üchün küchlük xelqaraliq iradining namayan qilinmighanliqini bildürgenlikini yazdi.

gérmaniye awazi (DW) radiyosi, türkiyening bérlinda turushluq bash elchisi aydinning, xanau hujumi toghrisida toxtilip, «sözleshning orni qalmighan bir nuqtida turuwatimiz» dégenlikini yazdi.

gérmaniyede chiqidighan «wélt.dé» géziti, yawropaning ayropilan ishlepchiqarghuchisi ayrbasning köp sanliqi gérmaniyede bolup 2300 xizmetchisini xizmettin boshitidighanliqi toghrisidiki uchurlarni oqurmenliri bilen ortaqlashti.

yene gérmaniyening «Handelsblatt.com» tori, dunya iqtisad instituti bashliqi félbérmayrning «yéngi tiptiki tajsiman wirusning dunya iqtisadigha séliwatqan ziyini künséri éghirlashmaqta» dégenlikini yazdi.

firansiyede chiqidighan  «lé parisién» géziti, pinsiyonérliq islahati dairiside firansiyede (miqyasida) 92 ming ademning namayish ötküzgenlikini, öktichilerning xelqni paaliyetlerge ishtirak qilishqa qayil qilish jehette qiynilip qéliwatqanliqini ilgiri sürdi.

firansiyening «lé mondé» géziti, hökümetning firansiye déngiz tewelikide néfit izdesh xizmetlirini toxtatqanliqini xewer qildi.

yene firansiyede chiqidighan «lé figaro» géziti, yawropa ittipaqining demeshiq (süriye hakimiyiti)tin idlibtiki hujumlargha xatime bérishini telep qilghanliqini yazdi.

ispaniyening «él paés» géziti, (ispaniye bash ministiri pédro) sanchézning yawropa ittipaqining yéngi xamchot pilanigha alaqidar teklipke «ümidsizlendürgüchi» dep baha bergenliki toghrisidiki uchurlargha orun berdi.

ispaniyening «él mundo» géziti, boliwéiye aliy saylam mehkimisining, éwo moralésning (may éyida ötküzülidighan omumiy saylamda) palata namzati bolushini tosup qoyghanliqi toghrisidiki qararini xewer qildi.

argéntinada chiqidighan «infobaé» géziti, lima guruppisining, wénézuélada «xelqning musheqqet chékish derijisining taqet qilghili bolmaydighan sewiyege yetkenliki»ni bildürüp, alaqidar tereplerni «erkin, adil we ishenchlik» pirézidéntliq saylimi ötküzüshke chaqirghanliqini yazdi.

rusiyening «lénta.ru» xewerler tori, makron bilen mérkélning putingha erdoghan bilen birlikte körüshüsh teklipini sunghanliqi toghrisidiki uchurlarni oqurmenliri bilen ortaqlashti.

yene rusiyede chiqidighan «izwéstiya» géziti, mutexessislerning putin wezipisidin ayrilghan teqdirde, rusiye xelqi ensireydighan eng muhim mesililerni retlep chiqti؛ gézitning xewiride körsilitishiche, xelq hemmidin bek nopuz talishish kürishining bashlinip kétishidin, mal – mülükning qaytidin tarqitilishidin, rusiyening nopuzidin ayrilip qélishidin ensireydiken.



مۇناسىۋەتلىك خەۋەرلەر