20.02.2020

bügünki chet el metbuatliridin tallap teyyarlighan qisqiche xewerlirimiztöwendikiche:

20.02.2020

 türkiye awazi radiyosi: seudi erebistanda inglizche chiqidighan «eshsherq elewsat géziti», amérika bilen seudi erebistanning ortaq herbiy manéwir ötküzidighanliqini élan qildi.

qatarda chiqidighan «elraya elqatariyya géziti», qatar ottura sherq rayonigha munasiwetlik «xewpsizlik kélishimi» ning imzalinishi üchün teklipini tekrarlighanliqini xewer qildi.

kuweytte chiqidighan «weten géziti», amérika dölet mudapie ministirliqining irandin yemendiki husiylargha ewetilgen yette yük aptomobildiki qoral-yaraghlarni qolgha chüshürgenlikini élan qilghanliqini xewer qildi.

gérmaniye awazi radiyosining tor bétide, türkiye jumhur reisi rejep tayyip erdoghanning süriye beshshar esed hakimiyitini axirqi qétim agahlandurghanliqi xewer qilindi.

gérmaniyening «shpigél» tori (Spiegel.de), gérmaniye bash ministiri mérkélning xiristiyan démokrat ittipaqi partiyesining bash ministir üstidiki izdinishlirining sirtida qélishini ümid qiliwatqanliqini xewer qildi.

gérmaniyening «wélt» tori (Welt), hanaw (Hanau) shehiride yüz bergen qoralliq étishishta 11 kishining jénidin ayrilghanliqini, saqchilarning étirap mektubi tapqanliqini xewer qildi.

firansiyede chiqidighan «lé mondé géziti» (Le Monde), gérmaniyede nargile qehwexanisigha qoralliq hujum qilish weqesining yüz bergenlikini we 11 kishining jénidin ayrilghanliqini xewer qildi.

shiwéytsariyede chiqidighan «lé témps géziti» (Le Temps), engliye yawropa ittipaqidin chékingendin kéyin yawropada yéngi urushlarning yüz béridighanliqini xewer qildi.

rusiyening «tas agéntliqi» (TASS), rusiye pirézidénti putinning sabiq bash ministir médwédéw bilen uning hökümitining istépa bérishini burunla sözleshkenlikini éytqanliqini élan qildi.

rusiyede chiqidighan «izwéstiya géziti» (İZVESTİYA), rusiye,iran we türkiyening süriye mesilisi boyiche ötküzülidighan üch terep yighinining waqtini belgileshke tirishiwatqanliqini xewer qildi.

wénézuélada chiqidighan «télésur géziti» (Telesur), türkiye jumhur reisi rejep tayyip erdoghanning, türkiyening süriyede ushtumtut herbiy heriket bashlishi mumkinlikini élan qilghanliqini éytti.

ispaniyede chiqidighan «él pais géziti» (El Pais), b d t ning süriyede ichki urush bashlanghandin buyan yüz bérishi mumkin bolghan eng chong köch heqqide agahlandurghanliqini xewer qildi.

rusiyening «riya nowosti agéntliqi» (RİA Novosti), yaponiyening «almas melikisi» namliq yoluchilar paraxotida yene, ikki kishide wuxen wirusi bayqalghanliqini xewer qildi.

kubada chiqidighan «brénsa latina géziti» (Prensa Latina), méksikada wuxen wirusi bilen yuqumlanghanliqi guman qilinghan ikki kishining bayqalghanliqini xewer qildi.


خەتكۈچ: weten géziti , lé témps

مۇناسىۋەتلىك خەۋەرلەر