19.02.2020

bügünki chet el metbuatliridin tallap teyyarlighan qisqiche xewerlirimiztöwendikiche:

19.02.2020

türkiye awazi radiyosi: seudi erebistanda inglizche chiqidighan «eshsherq elewsat géziti», türkiye-rusiye otturisida idlib heqqidiki yéngi uchrishishlarning bashlanghanliqini élan qildi.

qatarda chiqidighan «elraya elqatariyya géziti», isirailiye bash ministiri nétanyahuning 17-mart (2020) ta sotlinidighanliqini xewer qildi.

ereb birleshme xelipilikide chiqidighan «beyan géziti» (BEYAN), xitayda wuxen wirusi bilen ölgenler sanining 2 mingdin ashqanliqini xewer qildi.

gérmaniyede chiqidighan «frankfurtér algémayné zeytung géziti» (Frankfurter Allgemeine Zeitung), «blumbérg mötidil démokratlarning axirqi ümidimu?» serlewhiside xewer élan qildi.

ispaniyede chiqidighan «él mundo géziti» (El Mundo), xelqara pul fondi teshkilatining xelqaraliq shirketlerni ispaniyening oxshimighan rayonlirigha kéngeygen waqitta we soda qilghanda uchrighan qiyinchiliqlar toghrisida agahlandurghanliqini xewer qildi.

ispaniyede chiqidighan «él pais géziti» (El Pais), hökümetning panahliq tilesh tüzümini qiyinlashturidighan bir qatar qanun üstide izdiniwatqanliqini xewer qildi.

bélgiyede chiqidighan «löswa géziti» (Le Soir), wuxen wirusining hazirdin bashlapla bélgiye iqtisadigha tesir körsitiwatqanliqini élan qildi.

shiwéytsariyede chiqidighan «lé témps géziti» (Le Temps), amérika-xitay riqabitining b d t ni palech qilip qoyush mumkinlikini xewer qildi.

rusiyening «riya nowosti agéntliqi» (RİA Novosti), rusiyening amérikaning rusiye diplomatigha wiza bermesliki sewebidin b d t ni derhal yighingha chaqirghanliqini xewer qildi.

rusiyening «tas agéntliqi» (TASS), rusiyening ikki puqrasining yaponiyede karantin qilinghandin kéyin «almas melikisi» namliq paraxottin ayrilghanliqini élan qildi.

rusiyening «lénta.ru» tori (Lenta.ru), rusiye bash ministiri mishustinning xitaylarni rusiyege kélishini waqitliq chekligenlikini xewer qildi.



مۇناسىۋەتلىك خەۋەرلەر